Document 187
Identification
Id.
187
Archival reference
ACA, Cancelleria, Registres, reg. 197, f. 105v-106r
Year 1
1300
Month 1
4
Day 1
21
Place 1
Barcelona
Date
1300, april, 21. Barcelona
Language
llatí
Subjects
concessió de rendes, pagament
Regestum
El rei Jaume II, que havia revocat unes concessions precedents fetes pel rei Pere II a Maluix [Alcoquí], joglar jueu, ara li concedeix 12 diners barcelonesos diaris sobre el tribut dels jueus de Barcelona.1
Transcription
Nos Iacobus, et cetera, attendentes quod MahaluxMahalux, iudeus, ioculatorioculator, ex concessione illustris et magnifici principis domini Petri, recolende memorie regis Aragonum patris nostri, et nostra facta ad vitam tuam, consuevisti percipere et habere duodecim denarios iaccenses qualibet die super redditibus nostri pensi ac caldarie tinturarie Ilerde; attendentes etiam quod dictus dominus rex Petrus, dum infans erat, dedit et concessit tibi ad vitam tuam unam libram carnium arietis percipiendam qualibet die in macello iudeorum Osce, et nos dictas donaciones duxerimus revocandas, salvis sex denariis iaccenses, quos tibi habendos concessimus super redditibus nostris pensi ac caldarie tinturarie Ilerde, et nunc tu nobis humiliter supplicaveris quod mitius et benignius tecum super hiis disponere deberamus, supplicacione ipsa admissa, donacionibus predictis ex integro revocatis, de novo, propter servicia per te exhibita dicto patri nostro et nobis, damus et concedimus tibi de gracia speciali duodecim denarios barchinonenses qualibet die, quamdiu vixeris, habendos et percipiendos super tributo quod iudei Barchinone nobis debent solvere ac tenentur, ita quod tu, aut quem volueris loco tui, ab hac die in antea habeas et percipias dictos duodecim denarios in predicto tributo qualibet die dum vita fuerit tibi comes. Nos enim per presentem cartam mandamus secretariis et aliame iudeorum Barchinone quod dictos duodecim denarios pro qualibet die solvant et tradant, per terminos ad solvendum tributum assuetos, tibi, aut cui volueris loco tui, recipiendo inde apocham a te de denariis quos racione predicta tibi duxerint exsolvendos. Mandamus etiam baiulo Barchinone, presenti et qui pro tempore fuerit, quod ad predicta prefatos iudeos et aliama iudeorum Barchinone et eorum bona, si necesse fuerit, forciet et compellat. Mandamus insuper eidem, et baiulo Cathalonie generali, et aliis officialibus et subditis nostris presentibus et qui pro tempore fuerint, quod predicta omnia teneant et observent, et non contra veniant nec aliquem contra venire permitant aliqua racione.
Datum Barchinone XIº kalendas may anno Domini MºCCCº.
Guilelmus de Solanis mandato regio.
Datum Barchinone XIº kalendas may anno Domini MºCCCº.
Guilelmus de Solanis mandato regio.
Entities
Notes
1. Maluix rep dues concessions per valor de 12 diners jaquesos, una feta el 6 de juliol de 1274 i confirmada pel rei Jaume I el 23 d'abril de 1275 (vg. doc. II.22 i doc. 1495) i una altra feta el 28 de gener de 1277 (vg. doc. II.26) i confirmada pel rei Jaume II (no es conserva el document de la confirmació, però s'hi fa referència al document de revocació). La revocació d’aquestes concessions és feta el 21 de juliol de 1297 (vg. doc. 173).
2. Edita "Mahaluix".
MiMus DB, doc. 187 <https://mimus.ub.edu/en/mimus-db/document/view/187> [consulted: 9/20/2024]
MiMus DB: Minstrels and Music in the Medieval Crown of Aragon [online database], Anna Alberni, Stefano Maria Cingolani, Anna Fernàndez-Clot, Simone Sari, Carles Vela (eds.), Barcelona: University of Barcelona, MiMus Project (ERC CoG 2017, No 772762).