Document 624

Petrus et cetera, dilecto suo vicario Bagiarum, Berge et Bergutani, vel eius locum tenenti, salutem et cetera. Ad nostrum auditum noveritis pervenisse quod dudum nonnulli temeritate solita ducti nostramque iurediccionem abominantes, infra terminos castri nostri de Castroedrali, Guilelmo de OlzinosaGuilelmo de Olzinosa, alias cognominatum Mimmum de OlzinosaMimmum de Olzinosa, interfecerunt; nec non in itinere publico per quod tenditur de ci[vi]tate Minorise ad castrum de Arters, Vitalem Maimoni, iudeum ipsius civitatis, nequiter occiderunt. Cum autem predicta que perniciosa sunt exemplo aliquatenus relinqui non debeant impunita, eapropter vobis dicimus et mandamus quatenus de premissis necibus veritatem sollicite inquiratis, et quos culpabiles reperiretis, protinus capiatis et adversus [eos] et eorum bona procedatis, prout rigidius et melius fieri poterit iustitia mediante. Taliter in hiis vos habendo quod nequeatis de inobediencia seu negligencia reprehendi.
Data Barchinone /Xº\ kalendas octobris anno Domini MºCCCºXXXº nono.
Guilelmus de Villa mandato regio, facto per subrebosterum.