Document 535

Petrus, et cetera, ffideli suo baiulo de Arbucio, vel eius locum tenenti, salutem et cetera. Ex parte proborum hominum ac universitatis dicte ville fuit nobis expositum reverenter quod aliqui cohabitatores eiusdem ville renuunt exsolvere ac contribuere in quibusdam expensis per eos comuniter factis in et pro exe/r\citu quem nuper de mandato nostro fecerunt pro obsidione castri nostri de Otina, tam in tubicinatoribustubicinatoribus et aliis iocula/to\ribusiocula/to\ribus quam aliis prout in similibus est fieri assuetum, procedendo nos seu illustrem dominum regem genitorem nostrum memorie recolende eis quasdam penas in quas inciderant pretextu dicti exercitus remisisse. Propter quod fuit nobis supplicatum super hiis de oportuno remedio provideri. Quare, ipsa supplicacione benigne suscepta, vobis dicimus et mandamus quatenus universos dicte ville habitatores compellatis ad exolvendum id ad quod taxati fuerint racione expensarum predictarum que non regales sunt, quinimo vicinales, nisi illos dumtaxat qui aliter inde habeat inmunitatem predicta remissione in aliquo non obstante, cum dictus dominus rex genitor noster seu nos id quod pro vicinali contribuere tenentur non remiserimus alicui habitatorum ipsorum.
Data Ilerde idus iunii anno Domini millesimo CCCºXXXº sexto.
Clemens de Salaviride ex precepto proviso in consilio.