Document 492

Nos Iacobus, et cetera, attendentes nos, dudum provento ad nos quod, cum aliqui iuvenes ville Tarrege incinderet de nocte per villam ipsam et secum ducerent quendam mimmummimmum loci de Amicdale, nomine Berengario MirBerengario Mir, et sonarent instrumentainstrumenta iuxta portam Petri Calbeti, fuerunt eius proiecti lapides, ex quibus fuit percussus dictus mimmusmimmus in capite, de qua percussione diem clausit extremum, mandasse per literam nostram baiulo dicte ville Tarrege, vel eius locum tenenti, quod, cum ex ipsa morte inculpatur Bertrandus, filius Ferrarii Ollarii, et Raimundus Ollarii, filius quondam Berengarii Ollarii, qui ratione predicta banniti fuerunt a villa predicta, velimus super eo plenariam certificacionem habere, mitteret vobis inquisitionem et processum super premissis, quod eum factum, ut proinde super eis mandare possemus quod existeret racionis. Qui baiulus, vigore mandati predicti, processum inquisitionis predictum nobis transmisit, suo sigillo sigillatum. Sane, cum recognito, de mandato nostro, in cancellaria nostra processu predicto, et inibi plenius examinato, repertum fuerit dictos Bertrandum et Raimundum fore inoxiens et non esse culpabiles in morte predicta. Idcirco, tenore presentis carte nostre, absolvimus, difinimus ac etiam relaxamus vobis prenominatis Bertrando et Raimundo Ollerii omnem accionem, questionem, peticionem et demandam, et omnem etiam penam civilem et criminalem, et aliam quamlibet quam contra vos et quemlibet vestrum et bona vestra possemus movere, infligere, exigere seu habere ratione m[o]rtis dicti BerengariiBerengarii, ac bannimenti inde sequti. Ita quod sive in predicta morte culpabiles fueritis, sive non, quod nos seu officiales nostros, aut aliquam aliam personam nostro nomine seu nostrorum, non possitis impeti, conveniri, demandari seu in aliquo contra veniri, immo sitis a predictis, cum omnibus bonis vestris, perpetuo abosoluti, vobis tamen facientibus civiliter querelantibus de vobis, racione premissa, iusticie complementum, ac satisfacientibus in expensis, sique in prosequcione dicti negocii facte sunt per officiales nostros. Mandantes per presentem cartam nostram procuratori eiusque vices gerenti, vicariis, baiulis ceterisque officialibus nostris presentibus et futuris quod absolucionem, difinicionem, remissionem et relaxacionem nostram huiusmodi firmam habeant et observent, et non contra veniant nec aliquem contra venire permittant. In cuius rei testimonium presentem cartam nostram fieri et sigillum nostrum pendenti iusimus comuniri.
Data Tirasone idus augusti anno Domini MºCCCºXXº quinto.
Petrus Lupeti mandato regio, facta per vice.