Document 281

Berengario de Iorb[a], vic[ario et curie] Ilerde, et cetera. Intell[exi]mus quod Petrus Claver, scriptor curie Ilerde, fecit invadi de nocte hospicium Bernardi PercaçetiBernardi Percaçeti, ioculatorisioculatoris nostri, per quosdam qui tria hostia sui hospicii confregerunt, uxore dicti Bernardi Per[c]açetiBernardi Per[c]açeti in di[cto] ho[spi]cio existent[e], et cum hoc precenssiit, emitente [sic] sonum de viafors, et timore dicti soni dicti fractores se occultaverunt et in [do]mo dicti scriptoris se receperunt. Altera vero vice dictus scriptor misit familiam in domo sua, que de [no]cte hospicium dicti Bernardi PercaçetiBernardi Percaçeti cum lapidibus expugnarunt et etiam inva[ser]unt, et in infamiam uxorem dicti Bernardi PercaçetiBernardi Percaçeti, et eiusdem BernardiBernardi, et ut posset inter eos discordiam semina[re] et disolucionis thori matrimonialis materia immiscere, in verba diffamatoria et turpia contra uxori dicti Bernardi PercaçetiBernardi Percaçeti prorumpere non expavit. Unde cum talia, si veritatis nitantur, remanere non debeant impunita, presertim eam per officiales nostros et in illos de domo nostra, quod est gravius, [c]omittantur, vobis dicimus et mandamus quatenus de premissis [...] inquiratis diligentissime veritatem, et quos c[u]lpabiles inveni[tis] taliter [pu]niat[is] ut sit metus deinceps universis similia attemptandi. Taliter vos habendo in premissis ne possitis de negligenciam reprehendi, set pocius de vestri iusticiam et diligenciam commendari.
Data Cesarauguste VIIIº kal[endas septembris] anno predicto [scil. MºCCCºVIIº].
Bernardus de Abbadia misit dictatam.