Document 260

Nos Iacobus, Dei gracia rex Aragonum, et cetera, guidamus et assecuramus, ac sub nostra proteccione, custodia, comanda et guidatico speciali recepimus te Petrum PeyrolPetrum Peyrol cum rebus et omnibus bonis tuis, mobilibus et immobilibus, habitis et habendis, quecumque sint et ubicumque, in eundo, stando ac eciam redeundo per omnia loca tocius dominacionis et iurisdiccionis nostre, tam per terram quam per marem, /stagnum\ et quamlibet aquam dulcem, ita quod nullus, de nostra confidens gracia vel amore, audeat vel presumat te, res vel aliqua bona tua invadere, capere, impedire, marchare seu eciam detinere vel pignorare culpa, crimine vel debitis alienis, nisi principalis fueris debitor vel pro aliis fideiussorio nomine obligatus; nec eciam in hiis casibus, nisi prius in te fatica inventa fuerit de directo. Mandantes procuratoribus, vicariis, supraiunctariis, baiulis, çalmedinis, iusticiis, merinis, iuratis et universis aliis officialibus et subditis nostris, presentibus et futuris, quod presens guidaticum nostrum firmum habeant et observent, et faciant ab omnibus inviolabiliter observari, et non contra veniant nec aliquem contra venire permittant aliqua racione, te tamen facientem tuis querelantibus iusticie complementum. Quicumque autem contra hoc guidaticum nostrum venire in aliquo attemptaverit, iram et indignacionem nostram, et pena quingentorum aureorum, absque remedio aliquo, se noverit incursurum, dampno illato /prius\ plenius et plenarie restituto.
Data Barchinone VIIº kalendas octobris anno Domini MºCCCº quinto.
Guilelmus Augustini mandato regio, facto per Petrum de Monello.