Document 238

Venerabili et dilecto abbati Sancti Pauli de Narbona, et cetera. Recurrens ad nostram presenciam Bernardus PercaçetiBernardus Percaçeti, mimmusmimmus seu ioculatorioculator noster, exposuit coram nobis quod, cum officialis Carcassone sentenciam promulgasset pro dicto BernardoBernardo, et contra Petrum Guixerii et fideiussores ab eo datos, in causa que inter dictum BernardumBernardum, ex parte una, et dictum Petrum Guixerii, ex altera, coram dicti officialis examine ventilabatur racione quarundam rerum ipsius BernardiBernardi que ad ipsas partes furtive asportate fuerunt, queque emit, ut dicitur, Petrus Guixerii supradictus, dictusque officialis sentenciam predictam per eum latam iniunxisset exequcioni mandari in bonis dicti Petri Guixerii et fideiussorum ab eo datorum per vicarium Carcassone, vos, ut dictus ioculator noster asserit, inibuistis ne sentencia supradicta exequcioni aliquatenus mandaretur, quia, ut dicitur, alia pars allegavit sentenciam predictam fore nullam, eo quia fuit lata tempore feriato, propter quod dictus BernardusBernardus ius suum consequi non potuit in premissis. Immo fatigatus propterea pluribus laboribus et expensis, ad nos habuit habere recessum, suplicans nobis humiliter ut vobis super hoc scribere dignaremur. Nos itaque, eius suplicacione benigne admissa, vos requirimus et rogamus quatenus, nostri honoris intuitu, sentenciam predictam in bonis predictorum Petri Guixerii et eius fideiussorum mandari exequcioni debite faciatis, nec impediatis seu impediri faciatis quin ipsa sentencia in bonis predictis per dictum vicarium Carcassone, ad requisicionem dicti BernardiBernardi seu mandatum officialis predicti, exequcioni debite demandetur, taliter facientes quod dictus ioculator noster preces et requisicionem nostras predictas sibi apud vos senciat fructuosas, cum iam aliter super hiis scripserimus officiali et vicario Carcassone. Set si forte inveniretis dictam sentenciam fore nullam, faciatis super dicto facto iterum pronunciari, et ipsam pronunciacionem exequcioni mandari, dilacione et mora postpositis, cum dictus BernardusBernardus pro predictis fuerit fatigatus laboribus et expensis. Aliter, cum nostris subditis in eorum iure defficere nequeamus, haberemus ipsi BernardiBernardi providere de remedio opportuno.
Data ut supra [scil. Valencie III idus ianuarii anno Domini MºCCCºIIIº].
Idem [scil. Petrus Lupeti mandato Petri de Monellis].

Super negocio de quo supra dicitur Bernardi PercacetiBernardi Percaceti fuit scriptum rogatorie viro nobili Amalrico, domino de Narbona.
Item, et officiali archiepiscopi Narbone Item similiter rogando.¹