Document 196

Iacobus, et cetera, dilectis procuratoribus regnorum nostrorum nec non supraiuntariis, merinis, baiulis, iusticiis, çalmedinis, iuratis et universis /et singulis\ aliis officialibus nostris in locis regnorum et terrarum nostrarum constitutis ad quos presentes pervenerint, et cetera. Noveritis nos recepisse sub nostra proteccione, comanda et guidatico speciali Bernardum PercaçetiBernardum Percaçeti, ioculatoremioculatorem nostrum, cum omnibus bonis et rebus suis per totam terram et dominacionem nostram, ita quod idem BernardumBernardum possit per civitates et villas nec non per universa et singula loca terrarum nostrarum ire, stare et redire salve et secure cum omnibus rebus suis, sic quod non impediatur culpa, crimine vel debitis alienis, nisi ipse culpabilis fuerit aut principalis debitor seu per aliis fideiussorio nomine obligatus, nec in hiis eciam casibus nisi prius fatica iuris inventa fuerit de eodem. Quicumque autem contra dictum guidaticum nostrum venire presumpserit, iram et indignacionem nostram et penam CC aureorum, absque remedio aliquo, se noverit incursurum, dampno illato primitus restituto. Mandantes vobis quatenus guidaticum et proteccionem nostram firmam habeatis et sibi inviolabiliter observetis. Preterea, ut idem BernardumBernardum ab aliquibus dampnificari non possit in civitatibus, villis et universis et singulis locis terrarum nostrarum predictis, volumus et vobis expresse iniungimus quatenus quilibet vestrum in iurediccione sibi comissa, ad eius requisicionem, tradatis eidem aliquos homines qui de uno loco ad alium ipsi BernardoBernardo provideant de securo conductu, ipse tamen BernardoBernardo providente dictis hominibus in victualibus competenter sequendo eundem.
Data Iacce XIIº kalendas iulii anno Domini MºCCCº secundo.
Petrus Martini mandato domini episcopi.