Document 1806

[Al marge] V solidos.
Petrus, et cetera, fideli de domo nostra Sancio de Martes, merino Cesaraguste, vel eius locumtenenti, salutem et graciam. In nostra constitutus presencia Samuel FichellSamuel Fichell, /mimmusmimmus\ natus iudeus eiusdem civitatis, exposuit conquerendo quod, quamquam ipse emerit, mediante curatore publico iudeo, ab Astruga, uxore Abrahim Trigo, iudea dicte civitatis, quasdam domos in iuderia ipsius civitatis situatas, precio trecentorum solidorum iaccensium, de quibus prefata Astruga viginti solidos ab eo, per manum curatoris predicti, in solutum pro rata eiusdem precii, et in signum empcionis predicte, dicitur recepisse, ipsa tamen ve[n]ditrix instrumentum vendicionis huiusmodi prenominato emptori, qui sibi residuum dicti precii paratus est solvere, difert facere per publicum notarium et recusat indebite et iniuste. Quocirca ad eiusdem conquere[n]tis humilis supplicacionis instanciam, vobis dicimus et mandamus quatenus vobis, conscito de predictis, compellatis prelibatam iudeam venditricem ad faciendum dicto supplicanti instrumentum vendicionis iamdicte per publicum tabellionem, prout in talibus debet et est fieri assuetum, ipso emptore parato existente exsolvere eidem venditrici residuum precii antedicti.
Datum in loco Almunia sub anulo nostro maiori XIIIª die aprilis anno a Nativitate Domini millesimo CCCºLXº primo. Eximinus Sancii.
Iohannes Petri ex peticione provisa per tenentem locum cancellarii.