Document 1710

Noverint universi quod nos Petrus, Dei gracia et cetera, per nos et nostros damus et concedimus tibi Michaeli de AquilarioMichaeli de Aquilario, ioculatoriioculatori, et tuis per h[ere]ditatem propriam, francham et liberam quasdam domos sitas in ravallo Muriveteris que fuerunt quondam Samadoni, sarraceni, quas nobilis Rodericus Eximeni de Luna, procurator noster in regno Valencie, tibi comendavit, et affrontant ex Iª parte in domibus Bernardi Catalani, babtizati, et de duabus partibus in duabus viis publicis, et de quarta parte in domibus que fuerunt de Naiara, sarraceno. Predictas itaque domos, cum omnibus suis pertinenciis, habeatis tu et tui, possideatis et teneatis per hereditatem propriam, francham et liberam, ad dandum, vendendum, obligandum, impignorandum et alienandum, et ad omnes tuas et tuorum voluntates faciendas cui et quibus volueritis, exceptis militibus et personis religiosis, sicut melius dici potest et intelligi ad tuum tuorumque salvamentum et bonum intellectum.
Data Valencie VIIIº idus aprilis anno Domini millesimo CCºLXXºVIIIº.