Document 1709

[No]verint universis quod nos Petrus, Dey gracia rex Aragonum, damus et assignamus in beneficium personale tibi MaalutxMaalutx [...], iudeo nostro, diebus omnibus vite tue sex denarios iaccenses habendos et percipiendos qualibet die super redditibus [cali]darum nostre Ilerde ultra illos sex denarios quos iam qualibet die percipis in redditibus nostris Ilerde. Hanc autem [do]nacionem tibi facimus sub tali condicione, quod quando nos accedere voluerimus vel mittere contra sarracenos, tu personaliter [par]aris ire nobiscum et esse, vel cum illo quem miserimus in illo ardito, tam quem nos contra dictos sarracenos [..]erimus eligendum. Mandantes baiulo nostro Ilerde presenti et futuris quod dictos sex denarios absolvat de [dicti]s redditibus qualibet die, cum fuerit sibi certum quod compluistis condicionem predictam.
Data Valencie V kalendas februarii [ann]o Domini MºCCºLXXº sexto.