Document 1569

[Al marge] Sine precio.
Petrus, et cetera, fideli nostro Petro de Sancto Martino, c[i]vi Ilerde, salutem et graciam. Dicimus et mandamus vobis quatenus, racione officii ba[i]ulie civitatis Ilerde, quod nos noviter comisimus tenendum et regendum per vos a festo Carniprivis in antea, quandiu de nostro processerit beneplacito voluntatis, anticipetis de peccunia per vos ex iuribus et proventibus dicte baiulie recipienda, et exsolvatis etiam, non expectata exequtoria thesaurarii nostri, Nicholao de MellinesNicholao de Mellines, Petro PerrinetiPetro Perrineti, Iohanni de RoseriisIohanni de Roseriis et Petro BellinetiPetro Bellineti, de Capella nostra, videlicet cuilibet eorum centum viginti solidos barchinonenses, quos eisdem in acurrimentum suarum quitacionum cum presenti providimus eis dari. Et ex alia parte anticipetis et exsolvatis ffratri Guilelmo Veya, monacho Sanctarum Crucum, de dicta Capella nostra, centum viginti triginta quinque solidos barchinonenses, quos idem frater debet dare et exsolvere Rogerio Britonis, scriptori littere formate vel rotunde, quod /pro\ provisione ipsius Rogerii ad racionem decem et octo denariorum barchinonensium per die qualibet. Et recuperetis ab eisdem presentem et apocham vel apochas de soluto. Nos enim vobis concedimus cum presenti quod dictas quantitates possitis penes vos de peccunia ex ipso officio baiulie proventura licite retinere. Mandantes per hanc eandem magistro racionali curie nostre, vel alii cuicumque a vobis inde compotum audituro, quod dictas quantitates vestro compoto recipiat et admitat, vobis sibi exhibente presentem et apocham vel apochas de soluto.
Data Ilerde sub nostro sigillo secreto vicesima octava die octobris anno a Nativitate Domini millesimo trecentesimo quinquagesimo sexto. Visa Rome.
Ffrancischus dez Gual mandato regio, facto per Matheum Mercerii, camerlengum et consiliarium.