Document 1154

Nos Petrus, et cetera, considerantes nos olim tibi Petro GavetPetro Gavet, ioculatoriioculatori Perpiniani, suscripta concessionem fecisse cum nostra litera in hac forma: "Nos Petrus, Dei gracia rex Aragonum, et cetera, attendentes nobis pro parte tui Petri GavetPetri Gavet, ioculatorisioculatoris Perpiniani, fore humiliter supplicatum tu, cum propter bricam et vulnera subsecuta inter aliquos dicte ville, de quibus tu extitisti inculpatus, fueris sentencialiter condempnatus ad exilium tocius terre nostre, dignaremur dictum exilium tibi remittere graciose. Idcirco, dicta supplicacione admissa, respectu quorundam familiarium nostrorum apud nos proinde intercedencium, tenore presencium tibi ducimus concedendum quod, non obstante exilio supradicto, possis esse, stare et morari per totam terram et dominacionem nostram, exceptis comitatibus Rossilionis et Ceritanie. Mandantes universis et singulis officialibus nostris et eorum loca tenentibus quatenus, racione dicti exilii quod tibi, ut predicitur, ducimus remittendum, contra te aut bona tua aliaquatenus non procedant, quinimo tibi concessionem nostram huiusmodi observent et faciant inviolabiliter observari. Data Valencie IXº kalendas aprilis anno Domini MºCCCºXLºVIIIº." Ideo, contemplacione tui dicti Petri GavetiPetri Gaveti, quem nostris serviciis promptum conspicimus, graciose volentes graciam preinsertam tibi ex assueta clemenciam ampliare, tibi dictum exilium ex toto remittimus cum presenti, ita quod amodo, ipso exilio non obstante, possis morari, esse et stare per dictos comitatus Rossilionis et Ceritanie, sicuti per alias terras et regna nostra omnia, sicut ante condempnacionem exilii supradicti. Mandantes per presentes universis et singulis officialibus et subditis nostris, presentibus et futuris, quod hanc nostram graciam tibi observent perpetuo, et contra non veniant quavis causa. In cuius rei testimonium presentm fieri iussimus nostro sigillo munitam.
Data Perpiniani XVª die novembris anno a Nativitate Domini MºCCCºLº primo. Vidit Iaspertus.
Mandato domini regis Ffranciscus Fuxi. Vidit eam domunis rex. Foix.