Document 2217

Nos Petrus, et cetera, quia pro parte vestri fidelis nostri Petri MuntanerPetri Muntaner, mimimimi sive juglarjuglar loci de Miraveto, Rippacurcie comitatus, delati de nece perpretrata in persona Petri Fferrarii, loci de Stopanya, interfecti dudum infra terminos ipsius loci, fuit nobis humiliter supplicatum ut, cum egregius vir Alfonsus, marchio de Billena ac comes Rippacurcie et Denie, carissimus consanguineus noster, absolucionem et relaxacionem vobis de crimine fecerit supradicto, difinicionem, absolucionem et relaxacionem easdem nostre confirmacionis presidio dignaremus de nostra solita nostri regia clemencia roborare. Eapropter nos, huic supplicacioni inclinati benigne, viso quodam testimoniali publico instrumento, acto in civitati Cesarauguste anno a Nativitate Domini MºCCCºLXºVIIº, videlicet die iovis XIXª mensis augusti, et confecto ac clauso per Dominicum Petri Dacelin, publicum Cesarauguste notarium, per quod liquet satis clare marchionem et comitem antedictum indulxisse, perdonasse, absolvisse et difinisse vobis omnem accionem, quastionem, peticionem et demandam quam ipso seu officiales sui contra vos vel bona vestra in iudicio vel extra possent facere, proponere vel movere huiusmodi racione, et omnem eciam penam civilem et criminalem ac quamlibet aliam quam inflingere possint vobis dicte necis pretetxu; visaque insuper quadam litera papirea patenti Berengarii de Pace, militis, procuratoris marchionis predicti, data in castro de Miraveto prima die mensis septembris anno proxime supradicto, per quam idem procurator mandat universis et singulis officialibus comitatus Rippacurcie supradicti quod, indultum, absolucionem et difinicionem predictas inviolabiliter observantes, contra vos aut bona vestra dicta racione ullatenus non procedant; absolucionem, difinicionem, remissionem et relaxacionem pretactas laudamus, approbamus, ratificamus, et tenore presentis eciam confirmamus. Mandantes per eandem inclito ac magnifico infanti Iohanni, primogenito nostro carissimo ac regnorum et terrarum nostrarum gubernatori nostro generali, eiusque vice gerentibus, vicariis, baiulis, curiis, iusticiis et çalmedinis, ac aliis universis et singulis officialibus nostris, presentibus et futuris, et loca tenentibus eorundem, quatenus approbacionem, ratificacionem et confirmacionem nostras huiusmodi ratas et firmas habentes atque incommutabiliter observantes, contra vos aut bona vestra, in iudicio vel extra, racione predicta, questionem aliquam non faciant seu demandam, nec vos propterea capiant, detineant, impediant, demandent, agravent, inquietent, molestent vel conveniant in iudicio vel extra seu aliqua pena condempnent; quinimo cum omnibus bonis vestris, velut de premissis, quitium, liberum et immunem ac perpetuo absolutum, per totam terram et dominacionem nostram ire inibique morari et abinde recedere sinant salve et secure. In cuius rei testimonium hanc cartam nostram vobis fieri et sigillo nostro pendenti iussimus comuniri.
Data Barchinone VIIª die marcii anno a Nativitate Domini MºCCCºLXºVIIIº nostrique regni XXXIIIº. Visa Roma.
Dominus rex mandavit michi Berengario Segarra.
Probata.