Document 67

Inffans Alfonsus, illustrissimi domini regis Aragonum primogenitus et in regnis et terris eiusdem generalis procurator et comes Urgelli, venerabilibus Raymundo, miseracione divina episcopo Valentino ac domini regis cancellario, et capitulo eiusdem ecclesie, salutem et dileccionem. Cum ecclesiam vestram, velut a nostris fundatam progenitoribus, sicut tenemur sincero corde et affectu intimo diligamus, et ob hoc cupiamus ipsam personis ydoneis, morum gravitate et literature eminencia pollentibus, decorari, magistrummagistrum Thomam de MontealtoThomam de Montealto, presencium exhibitorem, quem ab experto novimus predictis eminentiis insignitum ac magisterio in arte musice predotatummagisterio in arte musice predotatum, ad vos duximus destinandum, vos ex corde rogantes ut eiusdem magister meritis exig[en]tibus ac horum nostrorum precaminum interventu, nec minus ob vestre decorem ecclesie, ipsum recomendatum habentes, eidem [de p]e[cc]unia ad vitam pensione, suo statu congruente, providere placeat et velitis, donec in dicta ecclesia sufficiens ecclesiasticum beneficium fuerit assecutus. Scientes quod hoc per vos effectui mancipato, idem magister de nostro beneplacito, dimissa Tirassonensi ecclesia, in que modicum obtinet beneficium, ad vestram se transferet indilate. Deprecantes nichilominus vos dictum episcopum ut deliberationem et ordinationem pendentibus super hiis, honore nostri, in domo vestra provideatis /eidem\ in suis necessariis alimentis. Tenentes e certo quod premissa ocurrent n[ostri]s affectibus valde grata.
Data Cesarauguste IIIº nonas octobris anno Domini MºCCCºXXº quinto. Sigillata.

[Al dors] Petrus Bernardi mandato domini infantis, facto per Guilelmum Co[perii?].