Document 514

Nos infans et cetera, cum presenti carta nostra graciose absolvimus, remitimus, relaxamus ac eciam indulgemus vobis Salvatori RamaçSalvatori Ramaç, mimomimo incliti infantis Petri, excellentissimi domini Iacobi recolende memorie avi nostri filii, Rippacurcie et Empuriarum comitis, karissimi patrui nostri, omnem accionem, questionem, peticionem et demandam, et omnem penam civilem et criminalem, et aliam qualibet quam dominus rex genitor noster predictus, seu nos aut officiales regii sive nostri, contra vos ac fideiussores vel caplevatores a vobis datos, et bona vestra et eorum, movere et impetrare seu infligere possemus occasioni rixe habite cum Novelleto IspanieNovelleto Ispanie, mimomimo, et vulnerum et digiti emutilacionis per vos, ut dicitur, facte ipsi NovelletoNovelleto, ac subsequte in rixa predicta, ita quod occasione rixe seu mutilacionis aut vulneris predictus dominus rex, genitor noster, vel nos seu officiales sui atque nostri, sive in predictis culpabilis fueritis sive non, nequeamus vobis, vel caplevatoribus ac fideiussoribus predictis, peticionem aliquam vel demandam facere vel movere, aut penam aliquam imponere in iudicio sive extra, immo sitis inde vos et dicti fideiussores seu caplevatores vestri, cum omnibus bonis vestris et eorum, perpetuo absoluti, quiti et immunes, prout melius et plenius ad vestri et eorum utilitatem et bonum intellectum potest intelligi atque dici, vobis tamen faciente querelantibus de vobis civiliter super predictis iusticie complementum. Mandamus atque per presentem gerenti vices nostras in procuracione Cathalonie, vicario et baiulo Cervarie ac aliis officialibus dicti domini regis et nostris et eorum loca tenentibus presentibus ac futuris, quatenus hanc nostram remissionem, absolucionem, relaxacionem ac indulgenciam firmam habeant et observent, et faciant ab aliis inviolabiliter observari, et contra ea venire aliqua racione non presumant. In quarum testimonium presentem cartam nostram vobis fieri iussimus nostri sigilli appendicii munimine roboratam.
Data Cervarie sexto kalendas novembris anno Domini millesimo CCCºXXº nono.
Bernardus Urgellensi mandato domini infantis, facto per Michaelem de Gorrea, gubernatorem.