Document 252

Nos Iacobus, et cetera, attendentes nos dedisse et concessisse tibi Iacheto, sartori nostro, ad vitam tuam illos CCC solidos regalium Valencie quos en PeyrolPeyrol, ioculatorioculator, ex concessione nostra percipiebat super iudaria civitatis Valencie, ut in alia carta nostra quam restituisti in cancellaria nostra, que ffuit pro cautela curie lacerata, plenius continetur, quia cum donacio predicta per nos tibi facta non tenuit, pro eo quia dictus PeyrolPeyrol vivit et non obiit, ut nobis datum erat intelligi, idcirco, nolentes te carere concessione et gracia predicta per nos tibi concessa, attentis /per te nobis impensis\ pluribus et gratuitis serviciis et que non cessas cotidie exhibire, damus et concedimus tibi in tota vita tua duodecim denarios regalium Valencie quos tibi assignamus habendos et percipiendos quolibet die in vita tua super redditibus nostri açochi iudeorum Valencie. Mandantes per presentem cartam nostram baiulo generali regni Valencie, presenti et qui pro tempore ffuerit, quod dictos duodecim denarios solvat sive solvi ffaciat tibi, vel cui volueris loco tui, qualibet die in vita tua de redditibus açochi predicti, ut superius continetur. Mandamus etiam eidem et universis aliis officialibus et subditis nostris, presentibus et ffuturis, quod hanc concessionem nostram ffirmam habeant et observent et non contra veniant aliqua racione.
Data Valencie VIIº kalendas ianuarii anno predicto [scil. MºCCCºIIIIº].
Bernardus de Aversone mandato regio, ad instanciam domine regine facto.