Document 234

Nos Iacobus, et cetera. Attendentes nos olim laudasse, approbasse et confirmasse cum carta nostra, ut in ea continebatur, Petro JuglarPetro Juglar, quondam, ioculatoriioculatori, concessionem franquitatis et libertatis ei et bonis suis concesse ad vitam suam per illustrissimum dominum regem Iacobum, clare memorie avum nostrum, cum carta sua, a peyta, questia, exercitu et cavalcata, et redempcionibus eorumdem, et a monetatico et qualibet alia exaccione sive demanda regali, ideo, ad humilem supplicacionem nobis factam pro parte vestri Elvire, uxori dicti quondam Petri JuglarPetri Juglar, volentes dictam immunitatem ad vos et bona vostra extendi, per nos et nostros enfranquimus et francham et liberam facimus et immunem vos dictam Elviram in tota vita vestra, cum omnibus bonis vestris mobilibus et immobilibus habitis et habendis ab omni scilicet peyta sive questia, et exercitu ac cavalcata, et redempcionibus eorumdem, et a monetatico et qualibet alia exaccione sive demanda regali, ita videlicet quod in tota vita vestra non teneamini dare vel solvere aliquid in aliquo predictorum, set sitis inde cum omnibus bonis vestris habitis et habendis cum omnibus bonis vestris toto tempore vite vestre libera et immunis ac penitus absoluta, sicut melius dici et intelligi potest, ad vestrum bonum et sanum intellectum. Nos autem et nostri recipiemus et teneamur recipere in computum nostrum partem quam vos pro bonis vestris contingeret et solvere teneamini in predictis seu aliquo predictorum. Mandantes firmiter baiulis, iusticiis, iuratis ac collectoribus predictorum, et universis aliis officialibus et subditis nostris, presentibus et futuris, quod partem vos in predictis contingente pro bonis vestris recipiant in computum nostrum, et predicta omnia et singula firma habeant et observent, et non contra veniant nec aliquem contra venire permitant aliqua racione.
Datum in Algezira IIIIº nonas decembris anno pre Domini MºCCCº tercio.
Petrus Lupeti mandato Petri de Morello, cui mandavit dominus rex.