Document 1578

[Al marge] Non fuit expedita sibi sub hac set sub alia in eodem registro inferius registrata.
Nos Petrus, et cetera, ad quorundam familiariorum et domesticorum nostrorum humiles intercessus, concedimus ac plenam conferimus facultatem tibi SamueliSamueli, iudeo, mimmomimmo civitatis Cesarauguste, quod, non obstante quacumque inibicione aut quavis alia ordinacione facta per nos vel predecessores nostros in contrarium, nec obstante quod iam uxorem habeas, possis absque alicuius pene incursu et cuiusquam contradiccione, ac liceat tibi ducere aliam uxorem, quam uxorem tibi valeas matrimonialiter copulare et eam tenere tanquam uxorem, prout tamen de ritu et consuetudine iudeorum est fieri assuetum, nec propterea te incurrere volumus aliquam penam, vetamentum, ateramentum [sic], natduy aut alatme, quinimo ab eisdem te absolvimus cum presenti. Mandantes cum hac eadem universis et singulis officialibus nostris, presentibus et futuris, vel eorum loca tenentibus, nec non iudicibus ac rabinis aliame iudeorum dicte civitatis Cesarauguste, quod presentem concessionem nostrum nostre graciam tibi teneant firmiter et observent, et non contra veniant nec aliquem contra venire permitant aliqua racione. In cuius rei testimonium presentem tibi fieri iussimus nostro sigillo pendenti munitam.
Data Cesarauguste prima die marcii anno a Nativitate Domini MºCCCºLº septimo nostrique regni vicesimosecundo. Visa Roma.
Petrus de Gostemps mandato regio, factum per Matheum Adriani, consiliarium et prothonotarium.