Document 1477

Noverint universi quod nos Iacobus, Dei gracia et cetera, per nos et nostros damus et concedimus tibi Petro de Maçanet et tuis in perpetuum per hereditatem propriam, francham et liberam sex iovatas terre in loco vocato les Alcuces de Beniatas que fuerunt de hereditate Petri JuglarPetri Juglar, que affrontant ex una parte in via qua itur apud fontem de la Figuera, et ex alia parte in hereditate Arnaldi Boxados, et ex alia in hereditate Iohannis de Gavi et ex alia parte Iohannis de Agilaniu. Quas sex iovatas terre, cum introhitibus et exhitibus, melioramentis ac suis pertinenciis universis, habeatis tu et tui ad dandum, vendendum, impignorandum ac alienandum et ad omnes tuas et tuorum voluntates inde cui et quibus volueritis perpetuo faciendas, sicut melius dici et intelligi potest ad tuum et tuorum bonum et sincerum intellectum, exceptis militibus, sanctis, clericis et personis religiosis. Retinemus tamen in dicta donacione quod facias ibi residenciam personalem, et quod hinc ad decem annos non vendas predictam hereditatem, et quod facias inde tu et tui nobis et nostri servicium sicut alii homines eiusdem loci pro suis hereditatibus nobis faciunt.
Data in Montepessulano VIº kalendas septembris anno Domini millesimo CCºLXXº secundo.