Document 83

Alfonsus, et cetera, ffideli suo baiulo Cervarie qui nunc e[st] vel qui pro tempore fuerit, salutem et cetera. Addiens nostram presenciam Bertollinus de LilletBertollinus de Lillet, trompetatrompeta ville predicte, nobis exposuit reverenter quod cum ipse delatus fuisset inclito infanti Petro, karissimo [filio?] et generali procuratori nostro, quod interfuerat in c[uius]dam rixa que interfuerat in loco de za Guardia Lada, vicarie dicte ville Cervarie, inter exer[citus] ville predicte, qui erat inibi proficiscens de mandato dicti inffantis contra nobilem Huguetonum de Cervilione, ex parte una, et aliquos homines dicti loci de ça Guardia Lada, ex altera, et super eo idem BertolinusBertolinus se a dicta villa Cervarie absentasset, eo quia dicebatur in dicta rixa culpabilem extitisse. Subsequenter re[gressare?] habuit ad dictum infantem in loco de Villagrassa, ubi idem infans pro quadam execucione quam faciebat contra nobilem Berengarium de Angularia presens erat. Cum autem idem infans tunc certificatus esset quod in dicta rixa non intervenerat mors vel membri debilitacio aut deformitas aliqua faciei, set solum unicum vulnus de quo curatus extitit plenarie vulneratus, et de quo eundem BertolinumBertolinum non constat reum conscium vel participem extitisse, graciose remisit eidem BertolinoBertolino quamcumque penam que eidem infligi posset racione predicta. Et cum idem BertolinusBertolinus pauper existat, mandavit responsionem predictam scribi et redigi per Raimundum Maiore, scriptorem curie baiulie Cervarie, in libro seu registro curie antedicte, ut de predictis omnibus et singulis per dilectum iudicem curie nostre Guilelmum de Mora, qui afuit omnibus supradictis, fuimus lacius informatis. Nunc autem, cum intellexerimus quod aliqui officiales nostri eundem BertolinumBertolinum inquietant vel molestant, ex eo quia remisionem dicti infantis nequid hostendere supradictam, idcirco suplicavit nobis idem BertolinusBertolinus humiliter quod, att[e]n[t]a veritat[e] dicti facti, erga ipsum nos habere misericorditer deberemus. Nos itaque, attenta informacione dicti Guilelmi de Mora, supradictam revisionem et graciam dicti infantis ratam et gratam habentes, volumus ac vobis dicimus et expresse mandamus quatenus vobis cognito per dictum Raimundum Maiore, scriptorem curie supradicte, quod idem infans remisionem predictam per eum conscribi eo tunc mandasset in libro curie antedicte, eundem BartolomeumBartolomeum [sic], propterea d[ei]nceps non vexetis vel ulterius molestetis nec permit[tati]s [..]ag[.] [...] [o]fficiales nostros vel dicti infantis inquietari vel eciam molestari, ipso tamen BertolinoBertolino parato existente querelantibus de se civilem, siqui aparuerint, racione predicta facere in posse vestro iusticie complementum.
Data Barchinone IIIIº nonas aprilis anno Domini MºCCCºXXXº.
Bartolomeus de Valle mandato regio, facto per Guilelmum de Mora iudicem curie.