Document 80

Nos Alfonsus, et cetera, ad humilem supplicationem quorundam amicorum tui Raimundi MichaelisRaimundi Michaelis, alias vocat[o] Raimundus TrompetaRaimundus Trompeta, remittimus et relaxamus tibi penam perpetui exilii a civitate et regno Valencie ad quam fueras condempnatus per sentenciam dilecti iudicis curie nostre Laurenci Cima ex comissione nostri, olim generale procuracionis officium exercentis, contra te latam eo quod constitit te Dulciam, consanguineam germanam uxoris tue carnaliter cognovisse. Unde sentenciam supradictam et penam in ea contentam tibi misercorditer relaxantes, concedimus tibi quod de cetero, dicta non obstante sentencia et absque incursu alicuius pene, possitis accedere et venire ad regnum et civitatem predictam, et ibidem stare atque morari, indeque recedere sicut libere poteras antequam dictum incestum te contigeret peccasse et antequam contra te lata fuisset sentencia supradicta. Mandantes cum presenti /carta nostra\ procuratoribus, eiusque vices gerentibus, iusticiis, baiulis et aliis officialibus nostris, presentibus et futuris, quod hanc remissionem et relaxacionem nostram firmam habeant et observent et ab omnibus faciant inviolabiliter observari, et te contra seriem huiusmodi remissionis nostre de cetero nullatenus inquietent. In cuius rei testimonium presentem cartam nostram inde fieri et sigillo nostro pendenti iussimus comuniri.
Data Valencie II^e kalendas iunii anno Domini MºCCCºXXº nono.
Dominicus de Biscarra mandato regio, facto per Laurencium Cima, iudicem curie, habita prius per vicecancellarium, consciencia domini regis.