Document 324

Iacobus, et cetera, dilecto suo vicario et curie Ilerde, vel eius locum tenenti, salutem et dileccionem. Recepto et habito quodam processu, clauso et sigillato, in cancellaria nostra cause seu controversie que est inter Bernardum PercacetBernardum Percacet, de domo nostra, ex [I] parte, et Raymundum de Fons, civem Ilerde, ex altera, ipsum in consili[o] nostro examinari fecimus diligenter. Et cum appareat, s[ecundu]m data et recepta que in dicto process[u] continetur, quod dictus Raymundus habet refunder[re] et restituere de receptis per eundem mille centum octuaginta quinque solidos et IIII^or denarios et obolum de peccunia iaccense eidem BernardoBernardo, ideo vobis dicimus et mandamus quatenus dictum Raymundum de Fons et eius bona ac eius fideiussores ad solvendum et deliberandum eidem BernardoBernardo, vel cui voluerit loco sui, dictam quantitatem peccunie, omni mora postposita, cohercione debita compellati, cum super dicta controversia maliciose fuerit diucius litigatum, nisi per dictum Raymundum, vel alium loco sui, alia legitima et evidens excusacio seu excepcio fuerit coram vobis proposita et probata que obsistat, quam volumus proponi et probari per dictum Raymundum infra decem dies a die presentacionis presentis nostre littere computandos, breviter et de plano, sine strepitu iudicii et figura, cum super aministracione nostrorum reddituum et reddicione compoti eorundem litigium pati inter officiales nostros nullatenus debeamus. Mandamus insuper vobis quod, si dictus Raymundus, vel aliquis loco sui, plus receperit quam in compoto prefato posuerit, quod totum illud plus eidem BernardoBernardo, sine aliquo intervallo et maliciis retroiectis, restitui faciatis. Taliter vos habendo in premissis quod propter culpam vel vestri necligenciam, seu partis adverse maliciam, idem BernardusBernardus ad nos recurrere non habeat iterato, scituri quod si hoc fieri contingeret, quod non credimus, expensas [om]nes quas predictum BarnardumBarnardum facere oporteret pro predictis de bonis vestris eidem resarciri penitus faceremus, et nichilominus vos de inobediencia seu contemptu fortiter puniemus, ita quod correccio vestra esset ceteris in exemplum.
Data Xative IIIº idus ianuarii anno Domini MºCCCºXº.
Petrus de Villarasa pro instancia de consilio consilii.