Document 313

Dilecto suo vicario et curie Ilerde, vel eius locum tenenti, et cetera. Ffidelis noster Bernardus PercaçetiBernardus Percaçeti, de domo nostra, coram nobis exposuit conquerendo quod Iacobus et Arnaldus de Ager, Periconus de Cio et Guilelmonus Michaelis, habitator de Menarguiis, ad instanciam Raimundi de Fontibus, acuyndarunt seu diffidarunt dictum BernardumBernardum, racione cuiusdam questionis que vertebatur inter dictum BernardumBernardum, agentem ex una parte, et dictum Raimundum de Fontibus, ex altera, quamvis predictus BernardusBernardus esset paratus stare iuri super predictis et facere in posse vestro dicto Raimundo et aliis de se querelantibus iusticie complementum. Et etiam, post firmam iuris per eundem BernardumBernardum in posse vestro racione predicta, ut asseritur, prestata, tenuerunt ipsum acuyndatum et in reguardo acuyndatores predicti. Qua de causa apparuit ipsum Bernardum PercaçetiBernardum Percaçeti, per tutela persone sue, expenssas facere et dampna plurima sustinere, unde supplicavit per nos super ei de opportuno remedio provideri. Nos itaque vobis dicimus et mandamus quatenus, si vobis constiterit de predictis, iamdictum Raimundum de Fontibus et alios difidatores predictos ad faciendum debitam satisfaccionem et emendam de dampnis et expenssis huiusmodi sepedicto Bernardo PercaçetiBernardo Percaçeti cohercione debita compellatis, procedendo propterea contra ipsos et eorum b[ona] prout fuerit faciendum, maliciis et diffugiis quibuscumque pretermissis.
Data Turolii pridie kalendas iunii anno predicto [scil. MºCCCºXº].
Guilelmus Augustini mandato regio, facto per Bernardum [...].