Document 188

Fidelibus suis curie et paciariis civitatis Ilerde, et cetera. Ex parte Arnaldi MarchesiiArnaldi Marchesii, ioculatorisioculatoris, fuit coram nobis expositum conquerendo quod, cum ipse captus detineatur nunc in palacio Cervarie, civit[a]tis predicte, eo [v]idelicet quia, cum nuper, die Veneris Sancta, Petrus Petri et Arnaldus Petri, cives ilerdenses, qu[en]dam scutifferum Aparicii de Serra, de domo Raimundi Molinerii, interfecissent, et dictus Arnaldus MarchesiiArnaldus Marchesii versus locum [de] Curbins iter suum arriperet, ipsa die homines civitatis Ilerde fugantes homicidas predictos, cum nullus ex illis invenire potuissent, credentes predictum Arnaldum MarchesiiArnaldum Marchesii esse obnoxium de homicidio supradicto, ceperunt eundem in itinere publico prope locum de Alcoleya et secum captum duxerunt, ac in palacio predicto Cervarie posuerunt, vos super facto captionis sue procedere plus debit[o] prorogatis. Quare fuit nobis humiliter suplicatum quod, cum dictus Arnaldus MarchesiiArnaldus Marchesii ex nimia et prolixa capcione timeat sibi dampnum non modicum et periculum imminere, cum sit pauper et inops, dignaremur super predictis de oportuno remedio providere. Quapropter vobis dicimus et [m]andamu[s] quatenus, super facto capcionis predicte prout faciendum fuerit, absque diffugiis et maliciis proceden[t]es, si inveneri[ti]s prefatum Arnaldum MarchesiiArnaldum Marchesii fore obnoxium et culpabilem in predictis, eundem pen[a] debita puniatis, aliter a capcione predicta ipsum penitus absolvatis.
Data VIIIº kalendas iunii anno predicto [scil. MºCCCº].
Petrus Marci.