Document 1737

[Al marge] XX^ti iaccenses.
Nos Petrus, et cetera, attendentes te Oro de Pati, iudeam, que primo fuisti uxor Açachi Abenacorra, iudei civitatis Cesaruguste, nunc vero Samuelis FichelSamuelis Fichel, mimimimi dicte civitatis, accusatam sive inculpatam fuisse per dictum Açachum, tempore quo tuus vir erat, coram iusticie Aragonie, te ut de comisisse adulterium cum comendatore loci de Orta, ordini Hospitalis sancti Iohannis, cuius occasione fuisti per aliquid tempus carceri mancipata, prospicientes ulterius te dictam Oro occasione adulterii iamdicta per dictum iusticiam encartatam sive bannitam fuisse a civitate iamdicta, et nunc fore nobis pro tui parte humiliter supplicatum ut encartamentum huiusmodi tibi remittere dignaremur, ideo ad humilem supplicacionem nonnullorum domesticorum et familiarium nostrorum in tui favorem apud nos intercedencium, remittimus, diffinimus et perdonamus tibi dicte Oro dictum encartamentum et etiam omnem penam civilem et criminalem, et aliam quamlibet quam propterea incurristi seu incurrere potuisti, ita videlicet quod sive in dicto adulterio seu aliis culpabilis fueris sive non, nequeat per nos seu officiales nostros quoscumque contra te vel bona tua, racione predicta, questio aliqua fieri vel demanda, imo sis a predictis et aliis, racione predicta, cum omnibus bonis tuis perpetuo quitia, absoluta pariter et immunis, possisque ad dictam civitatem Cesarauguste venire et inibi stare et ab inde recedere salve pariter et secure sicut poteras ante inculpacionem seu comissionem dicti adulteri, bannimento seu encartamento predicto nullatenus obsistente. Mandantes per presentem dicto iusticia Aragonie, gubernatori et baiulo Aragonie generali, aliisque universis et singulis oficialibus et subditis nostris, presentibus et futuris, dictorumque officialium loca tenentibus, quatenus remissionem et graciam nostram huiusmodi observent, et non contra veniant seu aliquem contra venire permittant aliqua racione. In cuius rei testimonium presentem fieri iussimus nostro sigillo secreto munitam.
Data Calataiubi XIIª die febroarii anno a Nativitate Domini MºCCCL nono. Sub Eximino.
Iacobus de Castellione ex peticione provisa per Iacobum de Oblitis, auditorem, ad relacione domini regis.
Vidit eam dominus rex. Iacobus Conesa.