Document 1599

Noverint universi quod nos Alfonsus, et cetera, attendentes plura et idonea servicia que vos fidelis noster Bernardus Traverii, illustrissimo domino Petro, inclite recordacionis et cetera, et aliis predecessoribus nostris et nobis exibuistis, idcirco, gratis et ex certa sciencia, damus et concedimus vobis dicto Bernardo sex denarios /octo denarios\ barchinonenses quolibet die habendos et percipiendos diebus omnibus vite vestre. Quos sex /octo\ denarios vobis assignamus dandos et recipiendos qualibet die super tercia parte nostra et iure quam et quod habemus et habere debemus in molendinis que fuerint d'en JoglarJoglar et nunc sunt domus fratrum Mercedis Captivorum, et sunt in Gandia. /Et si dicta tercia pars dictorum molendinorum non sufficieret ad complementum dictorum octo denariorum, assignamus vobis quicquid de ipsis defuerit /habendum et percipiendum super omnibus aliis redditibus nostris Gandie.\ Mandantes per presentem cartam nostram baiulo nostro regni Valencie seu baiulo etiam Gandie aut cuilibet collectori reddituum dictorum molendinorum solvat vobis vel cui volueritis qualibet die dum vixeritis de dicta nostra tercia parte sex denarios supradictos ut superius est contentum /et in defectu ipsius de aliis redditibus nostris Gandie dictos octo denarios ut superius continetur\.
Data in Minorica idus februarii [anno Domini MºCCºLXXXºVIº].