Document 1562

[Al marge] Sine precio mandato domini regis.
D[e] tene[n]do b[e]neficia in absencia.
Petrus, Dei gracia rex Aragonum, Valencie, Maioricarum, Sardinie et Corsice comesque Barchinone, Rossilionis, Ceritanie, reverendis in Christo patribus archiepiscopo Senonensis aliisque ecclesiarum prelatis, vel eorum vicariis aut loca tenentibus, presentibus et futuris, ad quos presentes pervenerint, salutem et dileccionis afectum. Noveritis bone memorie dominum Clementem papam sextum, cum suis litteris, bulla plumbea in filis sericis comunitis, nobis specialem graciam concessisse continencie subsequentis: "Clemens, episcopus, servus servorum Dei, carissimo in Christo filio Petro, regi Aragonum illustri, salutem et apostolicam bne benediccionem. Eximie tue devocionis affectus quem ad nos et Romanam Ecclesiam gerere dinosceris promeretur, ut in obsequentibus tibi personis illam tibi reperias liberalem, tuis itaque supplicacionibus inclinati auctoritate, tibi presencium indulgemus ut duodecim capellani seu clerici familiares tui domestici et continui comensales, presentes seu posteri, tuis obsequiis insistendo quos ad hoc duxeris eligendos, fructus, redditus et proventus omnium beneficiorum suorum ecclesiasticorum que nunc obtinent et in posterum obtinebunt, eciam si dignitates, personatus seu officia existant et curam habeant animarum, dummodo in cathedralibus maiores post pontificales vel in collegiatis ecclesiis principales dignitates huiusmodi non existant, cum ea integritate libere percipere valeant, cotidianis distribucionibus dumtaxat exceptis, cum qua illos perciperent si in ecclesiis in quibus huiusmodi beneficia existant personaliter residerent et ad residendum interim in eisdem ecclesiis minime teneantur, neque ad id a quoquam inviti valeant coartari, non obstantibus si dicti capellani seu clerici in dictis ecclesiis primam non fecerint personalem residenciam consuetam, ac quibuscumque statutis et consuetudinibus ipsarum ecclesiarum contrariis, [iur]amento, confirmacione apostolica vel quacumque firmitate alia roboratis, eciam de illis servandis et non inpetrandis litteris apostolicis contra ea et ipsis litteris non utendo ab eis, nam vel aliis inpetratis seu quovismodo concessis dicti capellani seu clerici, per se vel procuratores eorum prestiterint vel eos prestare contigerit forsitan iuramentum, seu si locorum ordinariis a Sede Apostolica sit concessum, vel pro tempore concedatur, quod euvange canonicos et personas ecclesiarum suarum civitatum et diocesim, eciam in dignitatibus, personatibus vel officiis constitutos, per subtraccionem proventuum suorum ecclesiasticorum vel aliter compellere valeant ad residendum personaliter in eisdem, seu si eisdem ordinariis et dilectis filiis capitulis dictarum ecclesiarum, vel quibusvis aliis comuniter vel divisim a prefata Sede indultum existat vel contigerit indulgere, quod canonicis et personis ipsarum ecclesiarum eciam in dignitatibus, personatibus vel officiis constitutis non residentibus in eisdem, vel qui in illis huiusmodi residenciam non fecissent, fructus, redditus et proventus canonicatuum et prebendarum ac dignitatum, personatuum, officiorum ac beneficiorum suorum earumdem ecclesiarum ministrare minime teneantur, et ad id compelli non possint per litteras apostolicas non facientes plenam et expresam, ac de verbo ad verbum, de indulto huiusmodi mencionem, et quibuslibet privilegiis, indulgenciis et litteris apostolicis generalibus vel specialibus, quorumcumque tenorum existant, per que presentibus non expressa vel totaliter non inserta, effectus earum impediri valeat quomodolibet vel differri, et de quibus quorumque totis tenoribus habenda sit in vestris litteris mencio specialis, proviso quod beneficia huiusmodi debitis non fraudentur in obsequiis et animarum cura in eis quibus illa imminent nullatenus negligatur, set per bonos et sufficientes vicarios, quibus de beneficiorum ipsorum proventibus necessaria congrue ministrentur, diligenter excerceatur et deserviatur inibi laudabiliter in divinis, nulli ergo omnino hominum liceat hanc paginam nostre concessionis infringere vel ei ausu temerario contra ire. Siquis autem hoc attemptare presumpserint, indignacionem omnipotentis Dei et beatorum Petri et Pauli apostolorum eius se noverit incursurum. Datum apud villal Villamnovam, Avinionensis diocesis, idus iunii pontificatus nostri ane anno quarto." Quocirca nos, gracia et privilegio suffulti premissis huius tenore, ad predicta omnia et singula in privilegio et gracia supradictis contenta et specificata, et in dictorum duo[de]cim capellanorum nostrorum numero dilectum capelanum Petrum BelinetiPetrum Belineti, curatum capelle de Boy Maysant, Senonensis diocesis, presentis serie eligimus et eciam deputamus, ipsumque cum suis benef[ic]iis que nunc obtinet et in posterum obtinebit in predictis gracia et privilegio volumus intelligi et specialiter comprehendi, eidemque concedimus ut tanquam capelanus noster domesticus et continus continuus commensalis gracia et provilegio privilegio amodo gaudeat supradictis, vos et quemlibet vestrum virtute privilegii et gracie predictorum requirentes et rogantes quatenus ipsi Petro de omnibus et singulis fructibus, redditibus et proventibus beneficiorum que obtinet et in posterum obtinebit cum integritate respondeatis et responderi faciatis iuxta gracie et privilegii premissorum continenciam et tenorem, sicut nobis intenditis complacere et sentencias latas adverso contradictores seu contra facientes per executores dicti domini pape super hoc deputatos cupitis evitare. Nos enim presentem, sigilli nostri munimine roboratam, quam tradita prius vobis copia si volueritis de eadem, penes dictum Petrum remanere volumus, in testimonium premissorum sibi duximus concedendam.
Data Perpiniani die sexta septembris anno a Nativitate Domini MºCCCº quinquagesimo sexto nostrique regiminis vicesimoprimo. Petrus cancellarius.
Iacobus Conesa mandato regio, ffacto per Petrum Iordani, maiordomum et consiliarium.
Probata.