Document 146

Noverint universi quod nos Iacobus, et cetera, visa quadam carta pergamenea illustrissimi domini regis Iacobi, inclite recordacionis avi nostri, suo sigillo mayori pendenti sigillata, cuius tenor talis est: "Noverint universi quod nos Iacobus, Dei gracia rex Aragonum, Maioricarum et Valencie, comes Barchinone et Urgelli et dominus Montispessulani, per nos et nostros infranchimus et franchum ac liberum facimus penitus et immunem te Petrum JuglarPetrum Juglar, fratrem CentipuynosCentipuynos, ioculatoremioculatorem [sic], in tota vita tua, cum omnibus bonis tuis mobilibus et immobilibus, habitis et habendis, ab omni scilicet peyta sive questia, et exercitu ac cavalquada et redempcionibus eorundem, et a monetatico et qualibus alia exaccione sive demanda regali, ita videlicet quod tu in vita tua non tenearis dare vel solvere aliquod in aliquo predictorum, set sis inde cum omnibus bonis tuis habitis et habendis toto tempori vite tue liber et immunis et penitus perpetuo absolutus, sicut melius dici et intelligi potest ad tuum bonum et scincerum intellectum. Nos autem et nostri recipiemus et teneamur recipere in compotum nostrum partem que te pro bonis tuis in predictis contingeret et tu solvere tenereris. Mandantes firmiter baiulis, iusticiis et iuratis, et collectoribus predictorum, et universis aliis officialibus et subditis nostris presentibus et futuris quod partem te in predictis contingentem pro bonis tuis recipiant in compotum nostrum, et predicta omnia et singula firma habeant et observent, et non contra veniant nec aliquem contravenire permitant aliqua racione. Datum Algezire IIIIº nonas marcii anno Domini MºCCºLXXVº. Sig+num Iacobis, Dei gracia et cetera. Testes sunt: Bernardus Guilelmi de Entença, Berengarius de Podioviridi, Raimundus de Moncada, Guilelmus de Caneto, Dalmacius de Crexello. Sig+num Simonis de Sancto Felicio qui, mandato domini regis predicti, hoc scribi fecit et clausit loco, die et anno prefixis"; per te, dictum Petrum JuglarPetrum Juglar, fuit nobis humiliter suplicatum ut dictam cartam et omnia contenta in ea tibi, de benignitate regia, confirmare dignaremur. Ideo, suplicacione ipsa benigne admissa, laudamus, approbamus et confirmamus tibi dicto Petro JuglarPetro Juglar dictam franquitatem et immunitatem per dictum dominum regem Iacobum, avum nostrum, tibi factam, prout in carta predicta melius et plenius continetur. Mandantes per presentem cartam nostram universis baiulis, iusticiis, iuratis, et collectoribus predictorum, et universis aliis officialibus et subditis nostris presentibus et futuris quod presentem approbacionem, laudacionem et confirmacionem nostram firmam habeant et observent ut supra continetur.
Data Dertuse IIIº nonas septembris anno Domini MºCCºXCºIIIIº.