Document 1375

Nos Petrus, et cetera. Ob grata et accepta servicia per te fidelem nostrum Iohannem de ParisIohannem de Paris, ministreriumministrerium nostrum, nobis prompte exhibita, nolentes te, sicut nec convenit, excludi a nostri gracia et mercede, cum predictorum respectu a nobis retribucionem condignam consequi merearis, et ut melius, dum in nostris perstiteris serviciis, vitam tuam cum uxore, filiis et familia tuis valeas sustentare, tenore presentis damus et concedimus tibi tanquam benemerito et condigno, sub condicione tamen infrascripta, quadraginta libras barchinonenses ad violarium annuales per te et quos volueris habendas et percipiendas annis singulis annis quamdiu in nostro perstiteris servicio et non ultra, ipsasque in et super emolumentis et iuribus scribanie vicarii Rossilionis et Vallispirii tibi annis singulis assignamus. Mandantes per hanc eandem procuratoribus regiis comitatuum Rossilionis et Ceritanie, qui nunc sunt vel qui pro tempore fuerint, quatenus de emolumentis et iuribus scribanie predicte, vel precio eorundem casu quo ipsam scribaniam oporteat arrendare, tibi vel cui volueris loco tui, iamdictam peccunie quantitatem annis singulis per tres aut duas anni tercias tribuant et exsolvant, aut per rendarios dicte scribanie responderi tibi faciant annuatim integre et complete. Huiusmodi vero concessionem et dictarum XL librarum annualium assignacionem facimus tibi dicto IohanniIohanni sub hoc pacto et conditione quod, si forte tu quandocumque recesseris a nostro servicio, nobis inscientibus aut sine nostri permissu et voluntate, quod ipso facto presens concessio sit cassa et vana et absque ullo valore, sic quod non possit tibi in aliquo prodesse nec nobis seu nostris in aliquo obesse. Precipientes insuper gubernatori, vicario, baiulo ceterisque officialibus nostris vel ipsorum loca tenentibus, presentibus et futuris, quatenus concessionem et gratiam nostras huiusmodi firmas habeant et observent, et faciant ab aliis observari, et non contra veniant seu aliquem contra venire permittant aliqua racione. In cuius rei testimonium presentem tibi fieri et sigillo nostro pendenti iussimus comuniri.
Data in civitate Maiorice nona die augusti anno a Nativitate Domini MºCCCºL /nono, nostrisque regni vicesimo\ quarto. Sancius Eximini. Rex Petrus.
Dominus rex mandavit Bertrando de Pinos.
Probata.