Document 1354

Petrus, et cetera, ffidelibus nostris vicario et baiulo Villefranche Penitensis, qui nunc sunt vel erunt pro tempore, eorumque loca tenentibus, salutem et graciam. Cum nos illos quingentos solidos barchinonenses quos, cum carta nostra data Terrachone tercia die ffebroarii anno a Nativitate Domini MºCCCºLº quarto, dedimus et concessimus Iaqueto TricotIaqueto Tricot, ministrerioministrerio nostro, ad vitam suam, quasque super terciis seu pecunia terciorum baiulie /et vicarie\ Villefranche eidem duximus assignandos, vellimus ipsum IaquetumIaquetum habere et recipere nedum super dictis terciis set eciam super quibuscumque proventibus, emolumentis et iuribus ad manus vestras racione dictorum officiorum vicarie et baiulie quomodolibet proventuriis, eapropter vobis dicimus et mandamus firmiter et expresse et de certa sciencia quatenus, tam de peccunia terciorum quam alia ad manus vestras racione dictorum officiorum proventura, ut predicitur, solvatis dicto IaquetoIaqueto, aut cui loco sui voluerit, annis singulis quantitatem violarii supradicti. Recuperando in solucione apocham seu apochis eius quod sibi dicta /de\ causa duxeritis exsolvendum. In quibusquidem apochis de concessione dicti violarii et presentis specialis mencio habeatur, quinimo nos per hanc eamdem mandamus magistro racionali curie nostre, ac baiulo generali Cathalonie seu alii cuicumque a vobis inde compotum audituro, quod vobis, sibi restituentibus tempore vestri raciocinii dictas apochas quantitates per vos dicta racione solutas, in vestro conpoto admittere non recuset.
Data Perpiniani XXIXª die octobris anno a Nativitate Domini MºCCCºLº quinto. Hugo cancellarius.
Dominus rex mandavit Iacobo Conesa, vidit eam dominus rex qui sibi eius sigillo misit clausam.