Document 1092

Nos Petrus, et cetera, propter plura grata atque placida servicia nobis prestita per te Ffrancischum de MontealbanoFfrancischum de Montealbano, ioculatoremioculatorem domus nostre, et que in futurum nobis impendes, Altissimo permittente, tenore presentis carte nostre, firmiter et perpetuo valiture, damus et concedimus tibi dicto FfranciscoFfrancisco, et tuis et quibus volueris sine iuris preiudicio alieni, duodecim fanecas terre quas Bernardus de Sent Boy, vicinus Valencie, habebat in termino de Rafalagata, orte Valencie, cuius bona, suis exposcentibus meritis, fuerunt erario regio confiscata, dumtamen valorem sexaginta librarum barchinonensium non excedant, prout terminantur ipse duodecim fanecate ex parte una cum itinere publico quo itur a Binalesa, et ex alia cum cequia publica que discurrit seu labitur per locum de Alboraya, et ex alia cum vineis Guilelmi Boneti, quondam, et ex alia cum quodam campo Guilelmi Serra, defuncti quondam. Hanc itaque donacionem et ex causa donacionis concessionem facimus tibi dicto FfranciscoFfrancisco, et tuis et quibus volueris, perpetuo pure, libere et absolute, sicut melius dici potest et intelligi ad tuum tuorumque salvamentum et bonum eciam intellectum. Et ex causa huiusmodi donacionis donamus et cedimus tibi, et tuis et quibus volueris, perpetuo omnia iura omnesque acciones reales et personales et mixtas, utiles et directas, ordinarias et extra ordinarias, et alias quascumque que nobis competunt et competere possunt et debent in predictis que tibi damus et concedimus, et contra quascumque personas et res racione eorum quibus iuribus et accionibus supradictis possis tu et tui et quos volueris perpetuo uti et experiri agendo, respondendo, excipiendo, proponendo et replicando, et omnia alia faciendo in iudicio et extra iudicium, quacumque et quemadmodum nos facere poteramus ante huiusmodi donacionem et cessionem, et possemus nunc et eciam postea quandocumque. Nos enim facimus et constituimus te in hiis procuratorem et dominum in rem tuam propriam ad faciendum inde tue libitum voluntatis. Retinemus tamen nobis et nostris illud ius siquid racione decimi, laudimii et fatice nobis competebat antequam dicte fanecate nobis essent de voluntate devolute. Mandantes huius serie gerenti vices procuratoris in regno Valencie ceterisque officialibus et subditis nostris, presentibus et futuris, quod presentem donacionem et concessionem nostram firmam habeant et observent et faciant inviolabiliter observari, et non contra veniant nec aliquem contra venire permitant aliqua racione. In cuius rei testimonium presentem tibi fieri iussimus nostro sigillo pendenti munitam.
Data Valencie XIIIº kalendas octobris anno Domini MºCCCºXLº nono. Examinavit Romeus.
Signum [en blanc] Petri, Dei gracia regis Aragonum et Valencie, Maioricarum, Sardinie et Corsice comitisque Barchinone, Rossilionis et Ceritanie.
Testes sunt: Hugo, episcopus Valencie; Nicolaus de Iamvilla, comes Terrenove; Galcerandus de Bellopodio; Raimundus de Rivosico; Rodericus Didaci, vicecancellarius.
Bertrandus de Pinos mandato regio, facto per nobilem Berengarium de Apilia, consiliarium ac camerarium maiorem. Vidit eam dominus rex.