Document 1088

Nos Petrus, et cetera, inpensa nobis gratuita servicia per vos fidelem nostrum magistrum Gerardum BrunGerardum Brun, precentoremprecentorem Capelle nostre, merito, nos inducunt ut vos prosequamur dignis favoribus graciarum. Idcirco, tenore presentis carte nostre, damus seu concedimus vobis, donec beneficium aliquod ecclesiasticum cuius redditus ad duorum mille solidorum barchinonensium et ultra summa attingat obtineritis, mille solidos barchinonenses habendos et recipiendos per vos anno quolibet de peccunia iurium sigillorum nostrorum per tres t[er]cias, videlicet t[er]cia pars a kalendis mensis ianuarii proxime venturo usque totum mensem aprilis, et aliam terciam partem a kalendis mensis madii usque per totum mensem augusti, et residuam terciam partem a kalendis madii mensis septembris usque per totum mensem decembris proxime sequentes. Mandantes dilecto notario nostro nostraque sigilla tenenti Ffrancisco de Prohomine, vel alii cuicumque qui pro tempore nostra sigilla tenuerit, quatenus vobis magistro GerardoGerardo, vel cui volueritis loco vestri, de peccunia iurium sigillorum nostrorum respondeat seu responderi faciat de quantitate dictorum mille solidorum barchinonensium annuatim per tercias superius expresatas quousque officium aliquod ecclesiasticum obtineritis, redditus cuius ad summa duorum mille solidorum et ultra attingat, ut est dictum, recipiendo a vobis, seu procuratori vestro, in unaquaque solucione apocham de eo quod, predicta racione, vobis, vel alii loco vestro, duxerit exsolvendum. Mandantes magistro racionali curie nostre, vel alii cuicumque a dicto notario compotum audituro, quod id quod dictus notarius noster vobis, seu alii loco vestri trad racione predicta, duxerit exsolvendum in nostro recipiat compoto et admittat, ipse exhibente vobis apochas de soluto. In cuius rei testimonium presentem cartam nostram vobis fieri iussimus nostri sigilli appendicii munimine insignitam.
Data Barchinone XIIº kalendas ianuarii anno Domini MºCCCºXLº septimo. Rex Petrus.
Rodericus de Altariba mandato regio, facto per Michaelem de Gurrea, consiliarum.