Document 1078

Nos Petrus, Dei gracia rex Aragonum, et cetera, attendentes nos dudum franchitatem subscriptam, cum carta nostra continencie subsequentis: "Nos Petrus, Dei gracia rex Aragonum, et cetera, volentes vos Iohannem de SantiagoIohannem de Santiago, de domo nostra, referendarium gestorum antiquorumreferendarium gestorum antiquorum, prosequi nostris favoribus graciosis, intuitu serviciorum nobis per vos impensorum, tenore presentis carte nostre enfranchimus, ac franchos, liberos et immunes facimus vos, dictum IohannemIohannem, nec non Mateuam, uxorem vestram, dumtamen tempore vite vestre, et uniuscuiusque vestrum, cum omnibus bonis et rebus vestris mobilibus et immobilibus ubique habitis et habendis, ab omni scilicet questia, subsidio, servicio, dono, prestito, mutuo, cena et qualibet alia exaccione, imposicione et servitute regali seu contribucione qualibet vicinali, et ab omni eciam hoste, exercitu et cavalcata, et qualibet eorundem redempcione, ita quod in tota vita vestra et cuiuslibet vestrum pro aliquibus bonis et rebus vestris non teneamini aliquid in predictis vel aliquo predictorum exsolvere seu contribuere, nec ire aut mittere in exercitum, hostem vel cavalcatam, nec aliquid pro eorum redempcionibus solvere seu contribuere, imo sitis ex eis omnibus et singulis franchi penitus et immunes in quocumque loco regio nostro in quo volueritis habitare. Nos enim partem vos in predictis sol vel aliquo predictorum solvere contingentem, in nostro volumus compoto recepi et admitti. Et per presentem mandamus universis et singulis portariis, collectoribus ceterisque officialibus nostris, presentibus et futuris, quod vos ad solvendum vel contribuendum aliquid in predictis vel aliquo predictorum, aut eundum seu mittendum in hostem, exercitum seu cavalcatam non compellant seu distringant, quinimo partem vos solvere contingentem in esidem in nostro compoto, ut predicitur, recipiant et admittant. Mandamus eciam procuratori nostro generali eiusque vices gerentibus, nec non iusticiis, baiulis, merinis, çalmedinis, iuratis ceterisque officialibus et subditis nostris /predictis\, presentibus et futuris, quod presentem franchitatem, libertatem et immunitatem nostras firma habeant et observent, et faciant per quoscumque alios inviolabiliter observari, et non contra veniant nec aliquem contra venire permittant aliqua racione. In cuius rei testimonium presentem cartam nostram vobis fieri iussimus nostro sigillo pendenti munitam. Data in Montealbo quinto idus iunii anno Domini millesimo trecentesimo quadragesimo primo." Nunc autem volentes vos dictum IohannemIohannem, propter servicia nobis per vos impensa et que impendere non cessatis, graciose prosequi franchitatem predictam et omnia et singula in carta supra inserta contenta huius serie confirmamus, et vobis eciam de novo concedimus quod vos et uxor vestra predicta sitis franchi, liberi et immunes ab omne monetatico seu morabetino toto tempore vite vestre, et uniuscuisque vestrum, in quacumque civitate, villa seu alio loco regio in quo volueritis habitare. Mandantes universis et singulis portariis, collectoribus ceterisque officialibus nostris, presentibus et futuris, quod vos ad solvendum vel contribuendum aliquid pro monetatico seu morabetino in totam vitam vestram et dicte uxori vestre minime compellant seu distringant. Mandamus insuper procuratori nostro generali eiusque vices gerentibus nec non iusticiis, baiulis, merinis, çalmedinis, iuratis ceterisque officialibus /et subditis predictis\ nostris, presentibus et futuris, quod confirmacionem nostram huiusmodi et concessionem presentem firmas habeant et observent et faciant inviolabiliter observari, et non contra veniant nec aliquem contra venire permittant aliqua racione. In cuius rei testimonium presentem cartam nostram inde fieri iussimus nostro sigillo appendicio roboratam. Est autem certum quod carta supra inserta fuit in nostra cancellariam restituta et inibi pro cautela nostre curie lacerata.
Data Valencie quarto nonas decembris anno Domini millesimo CCCº quadragesimo secundo. Arnaldus vicecancellarium.
Guilelmus de Moraria mandato regio, facto per Blasium d'Aysa, consiliarium.