Document 81

Nos Alfonsus, et cetera, cum presenti carta nostra absolvimus, difinimus, remitimus, indulgemus ac etiam relaxamus vobis Iohanni Sancii Munionis, filio Sancii Munionis, vicini Terolii, omnem questionem, peticionem et demandam ac omnem penam civilem et criminalem, et quamlibet aliam quam contra vos et bona vestra possemus nunc vel in futurum facere, infligere seu movere pro eo quia inculpatus fuistis quod in itinere publico quod est (in itinere publico quod est) inter locum de Viylarquemado et locum de Capdet, aldeis Terolii, cepistis et vobiscum violenter duxistis Paschas[ia]m, filiam Iohannis Sancii, carratero, vicini Terolii, sponsatam cum Bonacorso [Do]natiBonacorso [Do]nati, ioculatoreioculatore nostro, eamque, ipsa invita, ut dicitur, deflorastis. Propter quod vos fuistis incarceratus a villa Turolii iamdicta ita quod, sive de predictis culpabilis fueritis sive non, non possitis de cetero per nos seu officiales nostros aut aliquem nomine nostro occasione premissa impeti seu etiam conveniri nec contra vos vel bona vestra fieri ulla peticio seu demanda. Hanc autem absolucionem, difinicionem et remissionem nostram facimus vobis dicto Iohanni Sancii Munionis et bonis vestris sicut melius dici potest et intelligi ad vestrorum vestrorumque salvamentum et bonum intellectum, vobis tamen conveniente ac etiam ffaciente cum dicto Bonacorso DonatiBonacorso Donati, cui iniuria propterea facta extitit et offensa, vobis etiam ffaciente querelantibus de vobis racione premissa prout et ubi debueritis civiliter iusticie complementum; et satisfaciente in expensis per officiales nostros factis in prosequcione excessus prelibati. Mandantes itaque per presentem gerenti vices procuratoris in regno Aragonie pro inclito infante Petro, karissimo primogenito et generali procuratore nostro nec non supraiunctariis, baiulis, iusticiis, çalmedinis, merinis ceterisque officialibus nostris presentibus et futuris quatenus presentem absolucionem et difinicionem nostram firma habea[n]t et [o]bservent, et faciant ab aliis inviolabiliter observari et non contra veniant nec aliquem contra venire permitant aliqua racione. In cuius rei testimonium presentem cartam vobis fieri iussimus nostro pendenti sigillo munitam.
Data Valencie XIIIº kalendas iunii anno Domini MºCCCºXXºIXº.
Clemens de Salaviridi mandato domini regis.