Document 322

Dilecto suo Acardo de Muro, vicario et curie Ilerdensis et Pallariensis, vel eius locum tenenti, salutem et cetera. Recurens ad nostram presenciam Bernardum PercaçetiBernardum Percaçeti, mimusmimus mimmusmimmus de domo et familia nostra, querelosa insinuacione mostra[vit] quod Raimundus de Fontibus, barbitonsor civitatis Ilerde, tenetur eidem in quadam peccunie quantitate quam sibi [causa?] debet de quibusdam censualibus seu bonis Templi que pro ipso aministravit, quorum aministracione nos dicto Bernardo PercaçetiBernardo Percaçeti duximus comittendam. Et nedum dictus Raimundus eidem Bernardo PercaçetiBernardo Percaçeti solvere contradicit dictam quantitatem quam sibi tornare et solvere tenetur. Verum etiam cominatur eidem et ipsum tenet nichilominus in reguardo, ac insidiatur eidem cum quibusdam sequacibus suis arma defferentibus contra eum, sic quod ipse BernardusBernardus absque metu eorum per civitatem Ilerde et extra alibi non valet tute ire. Quare vobis dicimus et mandamus quatenus prefatum BernardumBernardum, tanquam familiarem et domesticum nostrum, et bona sua manuteneatis et deffendatis adversus dictum Raimundum et sequaces suos, nec permitatis eundem per eos gravari seu etiam molestari, et nichilominus faciatis eidem assecuramentum prestari per dictum Raimundum et complices suos; et ex parte nostra iniungatis eisdem firmiter et expresse ne dicto BernardoBernardo aut bonis suis malum inferant sive dampnum. Quod si facere attemptaverint seu presumpserint, contra eos tam per capcionem personarum quam emparacionem bonorum suorum rigide procedatis, ipsos pena debita puniendo ne gaudeant temerarie deliquisse, ipso BernardoBernardo existente parato facere dicto Raimundo et aliis de se querelantibus iusticie complementum.
Data Xative Vº idus ianuarii anno Domini MºCCCºXº.
Bernardus de Aversone mandato regio.