Document 319

Iacobus, et cetera, dilecto suo Acardo de Muro, vicario /et curia\ Ilerde et Pallarensis, vel eius locum tenenti, salutem et dileccionem. Cum nos nuper, dum eramus in civitate Ilerde personaliter constituti, exorta questione inter Bernardum PercassetiBernardum Percasseti, de domo nostra, et Raymundum de Fontibus, habitatores Ilerde, super aministracione quorundam bonorum Templi, quam dictus Raymundus tenuit pro dicto Bernardo PercaçetiBernardo Percaçeti in civitate Ilerde, et super reddicione compoti inde reddendi eidem BernardoBernardo per Raymundum de Fontibus supradictum, assignaverimus et deputaverimus in auditores et receptores compoti supradicti Raymundum Fenosa et Raymundum de Roda, cives dicte civitatis; et nunc dictus Bernardus PercaçetiBernardus Percaçeti, comparens coram nobis, exhibuit et ostendit quandam litteram nobis directa per prefatum Raymundum Fonosa, alterum ex auditoribus et receptoribus compoti antedicti, per quam ipse Raymundus nos certificavit sibi et dicto Raymundo de Roda visum fore quod predictus Raymundus de Fontibus teneatur eidem Bernardo PercaçetiBernardo Percaçeti ex causa premissa in sexaginta libris iaccensibus vel parum plus, suplicaveritque nobis dictus BernardusBernardus sibi per nos eidem de iuris remedio provideri. Ideo vobis dicimus et mandamus quatenus illud quod inveneritis per redditionem dicti compoti et declaracionem dictorum compoti receptorum prefatum Raymundum de Fontibus teneri sepedicto BernardoBernardo hac de causa, faciatis ei per ipsum Raymundum tribui atque solvi, compellendo propterea ipsum Raymundum, /et fideiussores suos\ et bona sua, fortiter et districte, quibuslibet maliciis et diffugiis pretermissis, sic quod pretactus BernardusBernardus ius suum breviter consequatur. Preterea, cum dictus BernardusBernardus asserat antedictum Raymundum de Fontibus sibi teneri restituere quasdam cartas seu instrumenta faciencia pro aministracione predicta, que sunt vel esse debent in posse dicti Raymundi de Fontibus, et etiam tenetur ei in restituendis missionibus et expensis quas ipsum facere oportuit in custodiendo personam propriam et aliter, eo quia aliqui ad instanciam dicti Raymundi acuyndarent eundem BernardumBernardum, mandamus vobis quod circa restitucione dictorum instrumentorum ac missionum et expensarum huiusmodi faciatis ei celere iusticie complementum, sic quod propter deffectum vel culpam vestri ad nos recurrere non cogatur.
Data Barchinone VIIº kalendas novembris anno Domini MºCCCº decimo.
Guilelmus Augustini mandato regio, facto per Bernardum de Abbacia.