Document 312

Dilecto suo curie Ilerde, vel eius locum tenenti, et cetera. Ex parte ffidelis nostri Bernardi PercaçetBernardi Percaçet, de domo nostra, fuit expositum coram nobis quod, super facto compoti quod dictus BernardusBernardus requirebat a Raimundo de Fontibus de censualibus et iuribus aliis Templi, que ipse Raimundus colligerat et receperat nomine dicti BernardiBernardi, qui ea debebat colligere ex comissione nostra, quod quidem compotum idem Raimundus asserebat iam reddidisse et inde habere albaranum ab ipso BernardoBernardo, fuit sentenciatum per vos quod ipse Raimundus, cum forte error intervenisset in ipso compoto, iterato et ex integro deberet reddere racionem et compotum de predictis coram Petro de Spalargis, de domo nostra, et Salvatore de Castilione, cive Ilerde, quos ad audiendum dictum compotum duxistis per vestram sentenciam deputandos. A qua sentencia, ut dicitur, neuter parcium poterat appellare, cum iam ante prolacionem ipsius sentencie per utramque partem renunciatum esset benefficio appellacionis et alterius iuris auxilio cuiuscumque. Cum igitur prefati Petrus et Salvator recusent, ut dicitur, audire et examinare dictum compotum, et propterea idem BernardusBernardus supplicaverit per nos sibi super hoc de opportuno remedio provideri, ideo vobis dicimus et mandamus quatenus, si vobis constiterit ita esse, dictum Raimundum de Fontibus et bona sua ad reddendum iterato et ex integro dictum compotum iuxta predictam sentenciam per vos latam, non obstante appellacione per eum interposita, ut asseritur, a dicta sentencia, et predictos etiam Petrum de Spalargis et Salvatorem de Castello ad audiendum et examinandum ipsum compotum cohercione debita compellatis. Et audito ac examinato et determinato per eos dicto compoto, si inveniatur per ipsum compotum dictum Raimundum debere tornare vel refundere aliquid dicto BernardoBernardo, vel idem BernardusBernardus ipso Raimundo, ipsos et eorum bona ad tornandum id alterus alteri incontinenti cohercione debita com[pella]tis, diffugiis et maliciis aliquibus non admissis.
Data Turolii IIIº kalendas iunii anno Domini MºCCCºXº.
Guilelmus Luppeti mandato Bernardi de Abbacia.