Document 279

[N]os Iacobus, et cetera, atte[nti]s pluribus et graci[o]cis serviciis per te Bernardum PercassetiBernardum Percasseti, instrioneminstrionem nostrum, nobis exhibitis et que exhibes cotidie incess[anti]b[us], [d]amus et con[ce]dimus tibi, ad vitam tuam, quatuor kaficia orde tritici ad mensuram Ilerde habenda et percipienda quolibet anno super reddit[i]bus [et] exitibus almutini civitatis Ilerde, ex illis scilicet septem kaficiis que uxore Iohannis de Pamies, quondam, assignaveramus super redditibus [et] exitibus almutini predicti. Mandantes per presentem cartam nostram baiulo Ilerde, presenti et futuro, quod dicta IIII^or kaficia tritici dent [et] trad[a]nt tibi quolibet anno de dictis septem kaficiis que dicta uxor dicti Iohannis de Pamies habebat et percipiebat, ut predicitur, [super] redditibus et exitibus almutini predicti, quatuor kaficia tritici supradicta dum vixeris, ut est dictum. Mandamus etiam eidem [et] universis [a]liis officialibus et subditis nostris, presentibus et futuris, quod hanc concessionem nostram firmam habeant et observent toto tempore vite tue, et non contra veniant nec aliquem contra venire permittant aliqua racione.
Data Osce quinto nonas iulii anno predicto [scil. MºCCCºVIIº].
Petrus Lupeti mandato regio.