Document 270

Iusticie Valencie, vel eius locum tenenti, et cetera. Petrus PeyrolPetrus Peyrol, ioculatorioculator de domo nostra, presens, exposuit coram nobis quod Iacobus Sentboy, civis Valencie, vendidit sibi quendam mulum precio quadrigentorum sexaginta solidorum regalium, et tradidit eidem numerando quadraginta solidos monete ipsius, quosque D solidos fecit idem Petrus PeyrolPetrus Peyrol, dicto Iacobo Sentboy, dici per Bernardum de Libiano, baiulum regni Valencie generalem, cum albarano baiuli eiusdem; et ultra hoc, ad maiorem securitatem dicti Iacobi, tradidit eidem Iacobo, predictus Petrus PeyrolPetrus Peyrol, quedam pignora, sic quod in deffectu solucionis dictorum D solidorum facienda per predictum Bernardum de Libiano, tenetur ipse Iacobus dicta pignora pro quantitate predicta; et quod, non citato nec monito ipso Petro PeyrolPetro Peyrol, prout fieri debebat, memoratus Iacobus Sentboy iniuste et indebite vendidit seu vendi fecit pignora supradicta, nec vult idem Iacobus restituere ipsi PetroPetro albaranum prefati Bernardi de Libiano, nec aliter de predictis ipsi Petro PeyrolPetro Peyrol reddere racionem; super quibus prelibatus Petrus PeyrolPetrus Peyrol asserit se, ob culpa dicti Iacobi, multipliciter agravatum et dampnificatum, et ideo nobis humiliter suplicavit per nos sibi super predictis de opportuno remedio providere. Qua suplicacione benigne admissa, vobis dicimus et mandamus quatenus, vocatis qui fuerint evocandi, breviter, sumarie et de plano, et sine strepitu cause et fatiga iudicii, faciatis fieri super predictis quod de Foro et racione fuerit faci[e]ndum, ffaciendo eidem Petro PeyrolPetro Peyrol de eisdem iusticiam exhibiri, maliciis et diffugiis omnibus retroiectis, taliter in premissis vos habendo ne dictum Petrum PeyrolPetrum Peyrol, ob deffectum iusticie, videamus de cetero querelantem.
Data Barchinone XIIº kalendas septembris anno predicto [scil. MºCCCºVIº].
Bernardus Maioris mandato regio, facto per dominum episcopum, cancellarium.