Document 253

Ffideli suo iusticie Ffarize Daroce, vel eius locum tenenti, et cetera. Sua nobis Sancius JuglarSancius Juglar, vicinus Daroce, conquestione mostravit quod Martinus de Barvarie, Dominicus Martini de Villafelich et Andrees Bueno et quidam alii convicini sui, comorantes in vico sive barrio vocato de Sancto Martino de la Para, nulla racionabili causa existente, fecerunt et statuerunt inter se contra dictum SanciumSancium et familiam suam quedam inhonesta et illicita stabilimenta per que prohibetur eidem et familie sue ne lumen seu igne detur sibi per vicinos predictos, nec quod habeant participacionem cum ipsis, et quedam alia eciam contra eum constituerunt indebite et iniuste ac in eius preiudicium non modicum et iacturam. Et hiis eciam non contenti, quadam tabulam sive postem quamdiu est positum super viccum per quam habetur introitus et exitus de una domo ad aliam domum suam, quamquam fiat sine iure preiudicio alieni intr[oitu], et cominantur amovere seu facere amoveri sine aliqua iusta causa. Quapropter prefatus SanciusSancius suplicavit per nos sibi super premissis de competenti remedio provideri. Suplicacione ipsa benigne admissa, vobis dicimus et mandamus quatenus predictum Sancium JuglarSancium Juglar seu familiam suam per dictos vicinos suos, racione dictorum stabilimentorum suorum seu inhibicionum, non permittatis molestari seu aggravari, immo ipsam familiam et bona sua manuteneatis et deffendatis in iusticia, vicinos suos predictos ad huiusmodi illicitis et inhonestis stabilimentis et inhibicionibus modo debito compescendo.
Data Calataiubi IIIIº idus ffebroarii anno predicto [scil. MºCCCºIIIIº].
Petrus Lupeti mandato regio, facto per fratrem Arnaldum, helemosinarium.