Document 1937

Super legacione Gerardi Bruni in Alamannia.

Excellentissimo ac magnifico principi Carolo, Dei gracia Romanorum regi semper augusto ac regi Boemie, affini nostro carissimo, Alienoram, per eandem regina Aragonum, Valencie, Maioricarum, Sardinie et Corsice, comitissaque Barchinone, Rossilionis et Ceritanie, salutem et votivorum incrementa. Intime dileccionis et affinitatis vincula quibus ad invicem alligamur merito nos inducunt ut vestre excellentis persone consistenciam, quam inter cunctos nobis amicicia et parentele copula allegatos gradus excellencioris primatum noscimus obtinere, scire intensis affectibus appectamus. Hinc est quod vestram celsitudinem intimo rogamus affectu quatenus per dilectum nostrum Gerardum BruniGerardum Bruni, de Diest, elemosinarium et capellanum serenissimi principis regis Petri, domini et viri nostri karissimi, quem ad vestre serenitatis presenciam destinamus, et quociens se facultas nunciorum obtuleretur de prosperi status vestri continencia vestris apicibus nos velitis et placeat reddere certiores. Et quia scimus e firmo vestram cellsitudinem ferventibus votis appetere ut de incolumitate persone nostre, vobis nova letifica nuncientur, eidem celsitudini vestre harum serie nunciamus quod, per Dei misericordiam, dictus dominus vir noster karissimus et nos corporum sospitate fruemur. Preterea, princeps inclite, cum dicto GerardoGerardo super negociis ducatus de Quarantana et comitatus de Cherten, quedam commisserimus pro nostra parte verbo vestre celsitudini referenda. Idcirco serenitatem vestram rogamus attente quatenus dictum GerardumGerardum nostri speciali respectu propicius admittendo, hiis que pro parte nostra super predictis verbo retulerit vestre celsitudini capellanus et elemosinarius antefatus velitis et placeat fidem credibilem adhibere eique exibere eandem celsitudinem favorabilem adiutricem.
Data Perpiniani Vº kalendas novembris anno Domini millesimo CCCº quinquagesimo.
Domina regina mandavit michi Iacobo de Lafrancho.

Similes fuerint misse:
Excellentissime ac magnifice principisse Agneti, Dei gracia Romanorum regine semper auguste ac regi[n]e Boemie, affini nostri karissime.

Alienora, et cetera, dilectis et devotis nostris consiliariis, iuratis et probis hominibus civitatis de Cherten, salutem et cetera. Cum pro certis negociis et agendis tangentibus ducatum de Cararantana et comitatum de Cherten dilectum nostrum Gerardum BruniGerardum Bruni, de Diest, elemosinarium et capellanum serenissimi principis regis Petri, domini et viri nostri karissimi, ad partes ipsas providerimus destinandum, sibique aliqua commiserimus vobis seu vestrum singulis super agendis ipsis vive vocis oraculo referenda. Idcirco vos et quolibet vestrum rogamus attente quatenus dictum GerardumGerardum obtentu nostri honoris super ipsis suscipiantes favorabiliter, comendatum ipsius relatibus vobis ex parte nostra super predictis referendis, velitis et placeat fidem credulam adhibere, qualiter GerardusGerardus ipse vestris auxiliis et favoribus mediantibus, prout de vobis speramus, predicta sibi per nos commissa negocia debite valeat percomplere, quod valde gratum eveniet votis nostris et illud regraciabimur vobis multum.
Data Perpiniani Vº kalendas novembris anno Domini millesimo CCCº quinquagesimo.
Idem.

Similes infrascriptis:
Alienora, et cetera, dilectis et devotis nostris consiliariis, iuratis et probis hominibus civitatis de Bocche.
Inclito duci de Dech.
Nobili et dilecto vicecomiti de Norenberch.
Egregio viro comiti de Goerz.
Nobili et dilecto nostro domino de Honesteno.
Reverendo in Christo patri archiepiscopo [sic] Trente.
Idem.

Illustrissime ac magnifice principisse Margarite, Dei gracia Romanorum imperatrici, serenissimi Lodovici, bone memorie Romanorum imperatoris relicte, consanguinee nostre carissime, Alienora, per eandem regina Aragonum, Valencie, Maioricarum, Sardinie et Corsice, comitissaque Barchinone, Rossilionis et Ceritanie, votive ffelicitatis leticiam cum salute. Tenemus e certo ex idempitate [sic] sanguinis et longa mutue dileccionis amicicia, serenitatem vestram plurimum iocundari quociens de incolumitate persone nostre et regie domus nostre, vestre magnitudini nova prospera referuntur. Ideo magnificencie vestre ad iubilum intimamus quod, divina favorente clemencia, serenissimus princeps rex Petrus, dominus et vir noster karissimus, et nos letari corpora sanitate, quod non inmerito de magnitudine vestra et illustri domo vestra audire continue totis desideriis afectamus. Idcirco magnificenciam vestram rogamus attente quatenus de incolumitate vestre serene persone et dicta domus vestra, quam Deus conservet per tempora longiora, per dilectum nostrum Gerardum BruniGerardum Bruni, de Diest, elemosinarium et capellanum dicti domini et viri nostri, quem ad magnitudinis vestre presenciam destinamus et quociens se facultas obtulerint nunciorum nos velitis et placeat vestris apicibus informare, quod tantum placidius nobis eveniet quantum illud audire intensius totis affectibus anelamus. Preterea, magnifica principissa, cum dicto GerardoGerardo super negociis ducatus de Quarantana et comitatus de Chertem quedam commiserimus per nostra parte verbo vestre magnitudini referenda, idcirco eandem magnitudinem vestram rogamus attente quatenus dictum GerardumGerardum nostri speciali respectu propicius admittendo hiis que pro parte nostra super predictis verbo retulerit vestre magnitudini capellanus et elemosinarius antefatus fidem credibilem adhibere ei que exibere eandem magnitudinem vestram favorabilem adiutricem.
Data Perpiniani Vº kalendas novembris anno Domini millesimo CCCº quinquagesimo.
Mandavit domina regina michi Iacobo de Laffrancho.

Similes infrascriptis:
Alienora, et cetera, inclite et magnifice Iohanne, per eandem ducisse Austrie, consanguinee nostre carissime.
Inclito et magnifico Romulo, Dei gracia duci Bavarie, consanguineo nostro karissimo.
Inclito et magnifico Stephano, Dei gracia duci Bavarie, consanguineo nostro karissimo.
Inclito et magnifico Rodolfo, Dei gracia duci Bavarie.
Inclito et magnifico Alberto, per eandem duci Austrie, consanguineo nostro karissimo.
Inclito et magnifico Lodivico de Bavaria, Dei gracia comiti Palatino ac marchioni de Brandeborch, consanguineo nostro karissimo.
Inclite et magnifice Beatrici, per eandem ducisse Bavarie, Palatine et Rehenensi, sorori nostre Karissime. /In ista scripsit domina regina manu propria.\²
Inclito et magnifico domino Rodberto, per eandem duci Bavarie comitique Palatino et Renensi, sororio nostro ut fratri karissimo.

Serenissimo ac magnifico principi domino Edoardo, Dei gracia regi Anglie, domino Ibernie ac duci Aquitanie, consanguineo nostro carissimo, Alienora, per eandem regina Aragonum, Valencie, Maioricarum, Sardinie et Corsice, comitissaque Barchinone, Rossilionis et Ceritanie, salutem et omnium felicium incrementa. Inclite princeps, vestre magnificencie intimamus quod dilectum nostrum Geradum BruniGeradum Bruni, de Diest, elemosinarium et capellanum serenissimi principis regis Petri, domini et viri nostri karissimi, super aliquibus negociis et agendis tangentibus ducatum de Quarantana et comitatum de Cherten ad partes Alemanie providimus destinandum, proponentem ad vestri culminis presenciam proficisci. Idcirco vestram magnificenciam rogamus attente quatenus dictum GerardumGerardum, cum ad presenciam vestre magnitudinis pervenerit, suscipientes obtentu nostri honoris favorabiliter comendaturus, sibi velitis et placeat eandem magnitudinem vestram in suis necessariis ostendere propiciam et benignam, quod valde gratum eveniet votis nostris et in ad similia et maiora nos pro vestris facere vestra magnificencia alligabit.
Data Perpiniani Vº kalendas novembris anno Domini millesimo CCCº quinquagesimo.
Idem.