Document 1836

Petrus, et cetera, nobilibus et dilectis universis et singulis baronibus, militibus, officialibus et aliis quibusvis in regno Ffrancie constitutis ad quos presentes pervenerint, salutem et dileccionem. Cum ffidelis Bonifacius de CarnotoBonifacius de Carnoto, precentorprecentor nostre Capelle, ad Curiam Romanam pro quibusdam suis negociis de presenti accedat, de nostri licencia et permissu, idcirco vos et vestrum quemlibet instanter requirimus et rogamus quatenus dictum BonifaciumBonifacium, si et cum ad loca vestra vel iurisdicciones vobis commissa ipsum declinare contingerit, benignius admitendo, eundem ac familiam suam et bona, nostri honoris respectu, favorabiliter pertractando, provideatis sibi, si opportuerit, de securo transitu et conductu, ac eundem permittatis ire et redire, cum familia sua, animalibus et bonis eius, salve pariter et secure. Et hoc enim nobis, qui pro vobis similia faceremus suo casu, gratum servicium impendetis.
Data Barchinone secunda die octobris anno a Nativitate Domini MºCCCºLXº. Visa Roma.
Dominus rex mandavit michi Iacobo de Miraveto.