Document 1712

Nos Petrus, Dei gracia et cetera, recognoscimus debere vobis Petro Fusterii et Bernardo Durandi, filio Berengarii Durandi, civibus Gerunde, et vestris, decem et septem mille et trescentos solidos monete Barchinone de terno, racione decem milium solidorum turonensium nigrorum remanencium ad solvendum de debito quatuordecim milium solidorum turonensium nigrorum quod illustris dominus inclite recordacionis rex Aragonum, pater noster, debebat Çach, iudeo, filio Çuleyman Abensadoch de Tolet/h\o, in quodam debitorio instrumento […]. Item, recognoscimus debere vobis predictis Petro Fusterii et Bernardo Durandi patre tuo sex milia et quadringentos solidos monete Barchinone […]. Et sic inter omnes denarios supradictos recognoscimus debere vobis predictis Petro Fusterii et Bernardo Durandi viginti tria millia et septingentos solidos Barchinone de terno, quos assignamus vobis et utrique /vestrum\ solvendos super omnibus nostris redditibus, exitibus et proventibus villarum nostrarum de Calidis et de Locustaria, diocesi gerundensis. Que omnia recipiatis, habeatis et colligatis incontinenti quando heredes Guilelmi Suniarii, qui predicta tenent pro assignacione nostra, sint paccati de /hoc\ quo nos pro quo nos predictos redditus, exitus et proventus eisdem assignavimus. Quibus heredibus satisfacto, vos et vestri, et quos volueritis, incontinenti sine aliquo inpedimento, predictos redditus, exitus et proventus habeatis, recipiatis et colligatis libere et quiete, tamdiu continuum donec sit vobis de predictis viginti tribus milibus et septingentos solidis in integrum satisfactum, exceptis trecentis solidis quos Cerverinus de GerundaCerverinus de Gerunda ibi ex dono nostro recipit annuatim. […]
Data Barchinone nonas octobris anno Domini MºCCºLXX octavo.