Document 1494

Per nos et nostros infranquimus et franchum ac liberum facimus penitus et inmunem te Michaelem de AguilarMichaelem de Aguilar, ioculatoremioculatorem, in tota vita tua, cum omnibus bonis tuis presentibus et futuris ubicumque sint vel fuerint, ab omni peyta sive questia, et cena, ac exercitu et cavalcata et redempcionibus eorundem, et a prestito et monetatico, ac qualibet alia exaccione seu demanda regali, ita videlicet quod pro aliquibus bonis tuis mobilibus et inmobilibus que hodie habes vel in futurum habebis non teneatis dare vel solvere aliquid in predictos vel aliquo predictorum dum vita fuerit tibi comes, set sis inde in tota vita tua cum omnibus bonis tuis, presentibus et futuris, liber et inmunis ac penitus absolutus, sicut melius et utilius dici et intelligi potest ad tuum tuorumque bonum et sincerum intellectum. Nos autem per nos et nostros concedimus partem que te continget in predictis pro bonis tuis in compotum nostrum recipere mandantes.
Data Valencie XII kalendas novembris anno Domini MºCCºLXXºIIIº.