Document 1492

Noverint universi quod, cum nos Iacobus, Dei gracia rex Aragonum, et cetera, donationes quas fecimus quibuslibet personis hereditatis a nobis subtus cequiam novam Algizire, fecerimus tali semper condicione quod ipsi hereditarii quibus hereditates dedimus subtus ipsam cequiam facerent residenciam in Algizire, et invento quod ipsi hereditarii, vel plures ex ipsius, ibi ut tenebantur residenciam non faciebant, nos propterea ante festum sancti Michaelis proxime preteritum fecissemus preconitzari quod, si hereditarii predicti, nisi usque ad ipsum festum sancti Michaelis tunc venturum et proxime preteritum non venirent aput Algiziram et ex tunc ibi residenciam non facerent, amitterent hereditates ibi eis a nobis dutas; ipsamque diem postea de gracia prorogavissemus usque ad diem certam. Imfra quam nec postea quidam ex ipsis hereditariis venire ibi et residenciam facere, ut tenebantur, minime curaverunt. Et inter eos invenerimus Abraham Almascarani, iudeum, et David, filium eius, et Petrum de ArandaPetrum de Aranda, ioculatoremioculatorem, ac Mariam de Verneto et maritum eius, quondam, quibus hereditates subtus ipsam cequiam fuerant assignate, non facientes residenciam Algizira nec laborantes eciam ipsas hereditates eis asignatas. Et sic eas hereditates, predictis racionibus et racione sue absencie, amisissent. Ideo, propter raciones predictas, revocantes donaciones predictas factas eisdem de hereditatibus predictis, per nos et nostros damus et concedimus per hereditatem propriam, francham et liberam tibi Simoni de Sanctofelicio, scriptori nostro, ad opus unius filii tui, decem iovatas terre in regadivo subtus cequiam antedictam, duas scilicet iovatas terre que fuerunt asignate dicto Petro de ArandaPetro de Aranda, qui absens inventus est, sicut affrontant in hereditate Andree de Albalato et in hereditate Petri de Uylldecona et in hereditate Fferrandi Garcez, babtitzati, et in quadam hereditates Arnaldi Vitalis, magistri operis cequie, et in terra Petri Garcez de Olit, que fuit sibi data a nobis in hereditate Abrahe et David, supradictorum, et in hereditate filiorum Marie Roderici. […]
Data Algizire VIº idus decembris anno domini MºCCºLXXº tercio.