Document 111

Alfonsus, et cetera, dilecto consiliario et thesaurario nostro Philippo de Boyl, salutem et cetera. Cum per nostram curiam debeantur Bonacorso FacinoBonacorso Facino, de domo nostra, ioculatori de la xeramellaioculatori de la xeramella, quantitates peccunie infrascripte, videlicet: pro quitacione sua unius equitature a prima die mensis novembris anni Domini MºCCCºXXVIIº usque per totam vicesimam sextam diem mensis aprilis anni subscripti, octuaginta sex solidos barchinonenses et sexaginta duo solidos sex denarii iaccenses cum albarano Arnaldi Ballistarii, scriptoris porcionis domus nostre, directo Garcie de Loriç, tunc thesaurario nostro, quod scriptum fuit in Cesaraugusta vicesima sexta die mensis aprilis anni Domini MCCCXXVIII; debeantur etiam eidem BonacorsoBonacorso cum alio albarano dicti scriptoris porcionis directo predicto thesaurario, et scripto in Oscha vicesima die me[n]sis decembris anno proxime dicto, pro dicta quitacione sua a prima die mensis madii anni predicti usque per totum mensem novembris sequentem, quinquaginta quinque solidos barchinonenses et quadraginta quinque solidos iaccenses; et de dictis peccunie quantitatibus non fuerit ei aliquid exsolutum, ut constat per resignationem albaranorum predictorum que nunc in cancellaria nostra recuperata fuerunt et inibi pro cautela curie lacerati, et per certificacionem etiam inde habitam a magistro racionali curie nostre. Idcirco vobis dicimus et mandamus quatenus de peccunia nostre curie que est vel erit penes vos tribuatis et solvatis prenominato BonacorsoBonacorso, vel cui voluerit loco sui, quantitates peccunie supradictas, que, facto cambio de iaccensium cum barchinonenses ad racionem de vintenes, prout nunc com[u]niter valebant, attingunt summam CCC viginti solidorum duorum denariorum barchinonensium. Et facta solucione, presentem recuperetis ap litteram cum apocha de soluto.
Data Valencie XIIIº kalendas novembris anno Domini MCCCXXXII.
Guilelmus Augustini ex albaranis et certificacionibus racionalis.