Document 1077

[Al marge] Provisa per Franciscum de Guardiola. [Sine pre]cio mandato [domin]i regis.
Nos Petrus, et cetera, volentes vos Iohannem de SantiagoIohannem de Santiago, de domo nostra, referendarium gestorum antiquorumreferendarium gestorum antiquorum, prosequi nostris favoribus graciosis, intuitu serviciorum nobis per vos impensorum, tenore presentis carte nostre enfranchimus, ac franchos, liberos et immunes facimus vos, dictum IohannemIohannem, nec non Matheuam, uxorem vestram, dumtamen tempore vite vestre, et uniuscuiusque vestrum, cum omnibus bonis et rebus vestris mobilibus et immobilibus ubique habitis et habendis, ab omni scilicet questia, subsidio, servicio, dono, prestito, mutuo, cena et qualibet alia exaccione, imposicione et servitute regali seu contribucione qualibet vicinali, et ab omni eciam hoste, exercitu et cavalcata, et qualibet eorundem redempcione, ita quod in tota vita vestra et cuiuslibet vestrum pro aliquibus bonis et rebus vestris non teneamini aliquid in predictis vel aliquo predictorum exsolvere seu contribuere, nec ire aut mittere in exercitum, hostem vel cavalcatam, nec aliquid pro eorum redempcionibus solvere seu contribuere, immo sitis ex eis omnibus et singulis franchi penitus et immunes in quocumque loco regio nostro in quo volueritis habitare. Nos enim partem vos in predictis /vel aliquo predictorum solvere contingentem, in nostro volumus compoto recepi et admitti\. Et per presentem mandamus universis et singulis portariis, collectoribus [espai en blanc amb una línia] ceterisque officialibus nostris, presentibus et futuris, quod vos ad solvendum vel contribuendum aliquid in predictis vel aliquo predictorum, aut eundum seu mittendum in hostem, exercitum seu cavalcatam non compellant seu distringant, quinimo partem vos solvere contingentem in eisdem in nostro compoto, ut predicitur, recipiant et admittant. Mandamus eciam procuratori nostro generali eiusque vices gerentibus, observari dum vos predicte coniugis vestre duxeritis in humanis et nec contra veniant aut aliquem contra venire permittant, nec non iusticiis, baiulis, merinis, çalmedinis, iuratis ceterisque officialibus et subditis nostris /predictis\, presentibus et futuris, quod presentem franchitatem, libertatem et immunitatem nostras firma habeant et observent, et faciant per quoscumque alios inviolabiliter [observari, et non contra veniant nec aliquem contra venire permittant aliqua racione. In cuius rei testimonium presentem cartam nostram vobis fieri iussimus nostro sigillo pendenti munitam].¹
Data in Montealbo quinto idus iunii anno Domini millesimo CCCº quadragesimo primo. Arnaldus vicecancellarius.
Ffrancischus de Prohome mandato facto per dominum regem.