Document 1711

Noverint universi quod nos Petrus, Dei gracia rex Aragonum, viso quondam instrumento libertatis domini Iacobi, inclite recordacionis regis Aragonum patris nostri, continente quod tu Michael de AquilarioMichael de Aquilario, ioculatorioculator, in tota vita tua, cum omnibus bonis tuis presentibus et futuris ubicumque sint vel fuerint, sis franchus, liber et inmunis ab omni peyta sive questia, cena, et exercitu et cavalcata ac redempcionibus eorundem, et prestito ac monetatico, et qualibet exaccione seu demanda regali, per nos et nostros laudamus, concedimus et confirmamus tibi dicto MichaelliMichaelli concessionem et libertatem predictam tibi factam a predicto domino rege patre nostro, prout in instrumento predicto eiusdem libertatis melius et plenius continetur, et sicud melius dici potest et intelligi ad tuum bonum et sincerum intellectum. Mandantes baiulis, iusticiis, alcaydis et iuratis Valencie et Muriveteris, portariis ac collectoribus questiarum et aliorum predictorum, ac universis aliis officialibus et subditis nostris presentibus et futuris quod donacionem et concessionem tibi factam a dicto domino rege patre nostro et per nos confirmatam, firmam habeant et observent, prout in instrumento dicti domini regis plenius continetur.
Data Valencie VIIIº idus aprilis anno Domini MºCCºLXXº octavo.