Document 306

Eidem [scil. Petro de Cardona, baiulo Cervarie], et cetera. Ad audienciam nostram noveritis pervenisse quod hoc anno Bernardus JuglarBernardus Juglar, de Cervaria, deliberatamente, quibusdam complicibus sibi coadunatis, publice et in via publica de corrali dicte ville, quadam die vulneraverit ac atrociter interfecerit Bernardum Panella, clericum, pluribus presentibus et videntibus, licet illi qui viderunt predicta, interrogati se asserant non vidisse, et quod hac de causa, ne veritas homicidii occultetur set pocius reveletur, ipsos in manuleuta tenetis iusticia suadente. Qua morte perpetrata per dictum Bernardum JuglarBernardum Juglar in persona dicti clerici, ipse BernardusBernardus intravit et se recollegit intus domum Ffratrum Minorum dicte ville; et quod curia Cervarie tenebat ipsum inclusum intus dictam domum; et quod aliqui de dicta villa, ne dictus Bernardus JuglarBernardus Juglar incideret in manus dicte curie, a dicta domo de nocte absconse cum armis abstraxerunt, ac ipsum a dicta domo liberarunt ac etiam aviarunt, impendendo eidem super hiis auxilium et favorem. Verum nos, volentes de predictis fieri quod iusticie suadebit, comittimus ac vobis dicimus et mandamus quatenus de pre[mi]ssis, si inquisitum non est, inquiratis modis quibus poteritis diligentissime veritatis. Qua inquisita, contra horum culpabiles procedatis prout iusticia suadebit, sic quod [eo]rum pena sit aliis similia attemptantibus in exemplum.
Data ut supra [scil. Barchinona VIº kalendas madii anno Domini MºCCCºIXº].
Bernardus de Aversone mandato regio.